Հունվարի 12-ին Ղազախստանի Հանրապետության Նախագահ Կասիմ-Ժոմարտ Տոկաևը Նուրսուլթանում ընդունել է ՀԱՊԿ գլխավոր քարտուղար Ստանիսլավ Զասին: Ինչպես հաղորդում է կազմակերպության մամուլի ծառայությունը, Ղազախստանի նախագահը շնորհակալություն է հայտնել դաշնակիցներին խաղաղապահ գործողություն անցկացնելու եւ ահաբեկչական հարձակման պայմաններում օգնություն ցուցաբերելու համար: Ղազախստանի նախագահը հայտարարել Է ՀԱՊԿ խաղաղապահ գործողության ավարտի մասին: Իր հերթին Ստանիսլավ Զասը Կասիմ-Ժոմարտ Տոկաեւին տեղեկացրել է Ղազախստանում ՀԱՊԿ խաղաղապահ առաքելության կատարման ընթացքի եւ Ղազախստանի տարածքից ՀԱՊԿ Հավաքական խաղաղապահ ուժերի դուրսբերման մեկնարկի մասին: Զորքերի դուրսբերումը կսկսվի հունվարի 13-ին եւ կավարտվի 10 օրվա ընթացքում:
