Հայաստանն ու Ադրբեջանը մասնակցում են ԱՊՀ երկրների ԱԽ քարտուղարների ամենամյա հանդիպմանը

Հայաստանի եւ Ադրբեջանի անվտանգության խորհուրդների քարտուղարները մասնակցում են ԱՊՀ-ի գործընկերների հետ ամենամյա հանդիպմանը, որը տեղի է ունենում չորեքշաբթի Մոսկվայում: Այս մասին հաղորդում է «ՌԻԱ նովոստին», վկայակոչելով ՌԴ Անվտանգության խորհրդի մամուլի ծառայությունը:

«Մոսկվայում սկսվել է Անկախ Պետությունների Համագործակցության մասնակից պետությունների անվտանգության խորհուրդների քարտուղարների իններորդ ամենամյա հանդիպումը։ Դրան մասնակցում են Ռուսաստանի Անվտանգության խորհրդի քարտուղար Նիկոլայ Պատրուշեւը, Ադրբեջանի Հանրապետության Անվտանգության խորհրդի քարտուղար Ռամիլ Ուսուբովը, Հայաստանի Հանրապետության Անվտանգության խորհրդի քարտուղար Արմեն Գրիգորյանը», - ասված է հաղորդագրության մեջ: