Նիկոլ Փաշինյանը կորցրեց Սյունիքը, պահեց Իջևանն ու Ստեփանավանը

Նախօրեին Հայաստանի մի շարք համայնքներում տեղի են ունեցել ՏԻՄ ընտրություններ: Դրանց արդյունքներով Սյունիքը, որը փաստացի հայտնվել է ադրբեջանցիների թիրախում, մերժել է վարչապետ Նիկոլ Փաշինյանի գլխավորած "Քաղաքացիական պայմանագիր" կուսակցությանը: Նույնիսկ կան համայնքներ, որտեղ վարչապետի գլխավորած կուսակցությանն ընտրողները 0 ձայն են տվել՝ սա բացարձակ հակառեկորդ է:

Քվեարկության նախնական արդյունքներով՝ Կապանում ընդդիմադիր արմատական "Շանթ" դաշինքի օգտին, որը գլխավորում է գործող քաղաքապետ Գևորգ Փարսյանը, քվեարկել է 14000 ընտրող:  ՔՊ-ն հավաքել է 5587 ձայն:

Փաշինյանի կուսակցության օգտին 0 ձայն տված համայնքներն են Հունոտ ու Վանեք գյուղերը:

Փոխարենը «Քաղաքացիական պայմանագիր» կուսակցությունը հաղթել է Նիկոլ Փաշինյանի հայրենի Իջևանում և Ստեփանավանում: Իջևանում կուսակցությունը ստացել է ընտրողների 80,78% ձայները, «Հայ հեղափոխական դաշնակցություն» կուսակցությունը՝ 15,87%։ ՔՊ ցուցակը գլխավորում է Արթուր Ճաղարյանը։

Ստեփանավանում ՔՊ-ն հավաքել է ընտրողների 78,4 տոկոսը: Այստեղ «Քաղաքացիական պայմանագիր» կուսակցության ցուցակը գլխավորում է Ստեփանավան համայնքի ղեկավարի պաշտոնակատար, կուսակցության անդամ Արմեն Գրիգորյանը: