2.10.2022
Երևանի մետրոյի բոլոր կայարաններում այսօր հնչելու է Սպենդիարյանական երաժշտություն
prev Նախորդ նորություն

Նորություններ գործընկերներից

Գորիս-Կապան ճանապարհի 21-կմ հատվածն ամբողջությամբ անվտանգ է. ԱԱԾ փոխտնօրեն

Սյունիքի մարզի Գորիս-Կապան ճանապարհի ադրբեջանական կողմի վերահսկողության տակ անցած 21-կիլոմետրանոց հատվածն ամբողջությամբ անվտանգ է, վստահեցնում է Ազգային անվտանգության ծառայության փոխտնօրեն Արամ Հակոբյանը:


«Այդ հատվածը շատ անվտանգ է, Ես ինքս օրերս այնտեղ եմ եղել։ Այո, այնտեղ հարևան պետության ներկայացուցիչներ կան, բայց վտանգ չկա Հայաստանի քաղաքացիների համար», - համոզված է Հակոբյանը։ ԱԱԽ փոխտնօրենը, միաժամանակ, առանց մեկնաբանության թողեց քաղաքացիների բազմաթիվ բողոքների եւ նույնիսկ տեսանյութերի վերաբերյալ լրագրողների հարցերը, որոնք վկայում են այն մասին, որ ադրբեջանական կողմը պարբերաբար կանգնեցնում է հայկական ավտոմեքենաները, խուզարկություններ է իրականացնում:


Անդրադառնալով Սարայի երգած իրավիճակին՝ Հակոբյանը նշել է, որ դիրքորոշումների ոչ մի փոփոխություն այնտեղ չկա։ Նա ընդգծել է, որ սահմանապահ զորքերի հրամանատար Արման Մարալչյանն անցած շաբաթ խորհրդարանում նույնպես հայտարարել է այդ մասին, այդ ելույթից հետո իրավիճակը չի փոխվել:


Վկայակոչելով պատգամավորներին՝ լրագրողները նշել են, որ ԱԺ-ում հրատապ փակ քննարկման ժամանակ Մարալչյանը նշել է, որ ռուս զինվորականները լքել են Փելա սարը: Լրատվամիջոցների ներկայացուցիչները հետաքրքրվել են դրա պատճառների մասին, ինչին Հակոբյանը նշել է, որ նման տեղեկատվություն չի տիրապետում։


Խորհրդարանում 2022 թվականի պետական բյուջեի նախագծի փակ քննարկումներին մասնակցելու նպատակով խորհրդարան ժամանած ՀՀ ԶՈՒ ԳՇ զորահավաքային-կազմակերպչական վարչության պետ, գեներալ-մայոր Ալբերտ Բաղդասարյանը հրաժարվել է պատասխանել լրագրողների հարցերին երկրի սահմաններում տիրող իրավիճակի վերաբերյալ: