«Պատիվ ունեմ» խմբակցությունը չի ընդունել վարչապետի հրավերը

«Պատիվ ունեմ» ընդդիմադիր խմբակցությունը մտադիր չէ ընդունել վարչապետ Նիկոլ Փաշինյանի հրավերը՝ փակ հանդիպում անցկացնելու խորհրդարանի ընդդիմադիր ուժերի հետ:

Նախօրեին՝ հոկտեմբերի 27-ին, խորհրդարանում կառավարության հետ հարց ու պատասխանի ընթացքում ընդդիմադիր պատգամավորների եւ վարչապետի միջեւ լեզվակռիվ է սկսվել։ Եվ հանգուցալուծումը վարչապետի խոստովանությունն էր, որ նա «ուրախությամբ» կհանդիպի ընդդիմության հետ։

Այնուհետև վարչապետն ինքն է հրավիրել ընդդիմադիրներին՝ պատրաստակամություն հայտնելով ընդունել «Հայաստան» և «Պատիվ ունեմ» խմբակցությունների առանց բացառության բոլոր անդամներին և պատասխանել նրանց հարցերին։

Արձագանքելով վարչապետի առաջարկին՝ «Պատիվ ունեմ» խմբակցության քարտուղար Հայկ Մամիջանյանը նշել է, որ Նիկոլ Փաշինյանի հետ «Պատիվ ունեմ» խմբակցությունը կարող է քննարկել միայն մեկ հարց՝ հրաժարականի մասին իր հայտարարության տեքստը:

Նա նշել է, որ Սահմանադրության համաձայն մնացած բոլոր հարցերի վերաբերյալ վարչապետը եւ կառավարությունը հաշվետու են խորհրդարանին, ուստի պարզաբանումներ տալու համար իրենք պետք է գան խորհրդարան եւ զեկուցեն գործերի վիճակի մասին: