29.03.2024
Պետք է նոր քաղաքական-հասարակական հոսանք ձևավորվի, այլապես կկորցնենք երկիրը. Հովհաննիսյան
prev Նախորդ նորություն

Նորություններ գործընկերներից

Փաշինյանը պարտվեց Գորիսում, հանձնեց նաև Գյումրին. ՏԻՄ ընտրությունների արդյունքները

Հոկտեմբերի 17-ին Հայաստանի մի շարք համայնքներում անցկացվեցին ՏԻՄ ընտրություններ: Արդյունքները որոշ տեղերում մտհոգիչ են իշխանությունների համար:


Այդպես, Հայաստանի մեծությամբ երկրորդ Գյումրի քաղաքում տեղի ունեցած ՏԻՄ ընտրությունների նախնական արդյունքների համաձայն՝  «Բալասանյան» դաշինքը ստացել է ձայների 36․58 տոկոսը, Նիկոլ Փաշինյանի ղեկավարած "Քաղաքացիական պայմանագիր" կուսակցությունը՝ 29.56 տոկոս, «Զարթոնք» կուսակցությունը՝ 10․60 տոկոս, «Ապրելու երկիրը»՝ 5:65, իսկ ՀՀԿ-ն 5․06 տոկոս։


Իշխանությունը պարտվել է նաև Գորիսում, որտեղ ամենից թեժ պայքարն էր, ինչը պայմանավորված էր նրանով, որ ընդդիմության ներկայացուցիչը, ում անվամբ էլ դաշինքը մասնակցում էր ընտրություններին, այս պահին անազատության մեջ է: Այդպես, Առուշ Առուշանյանի գլխավորած «Առուշ Առուշանյան» դաշինքի օգտին քվեարկել է 6256 ընտրող, մինչդեռ «Քաղաքացիական պայմանագիր» կուսակցության օգտին՝  3590 ընտրող։


Գորիսի քաղաքապետի ՔՊ թեկնածու Վլադիմիր Աբունցն ընդունել է պարտությունը. "Մեր կուսակցությունը և ես, որպես առաջադրված թեկնածու, պատվով ենք պարտվել",- ասել է նա լրագրողներին: Թե ինչու է նման արդյունք արձանագրվել նա դժվարացել է նշել:   


«Քաղաքացիական պայմանագիր» կուսակցությունը հաղթել է Դիլիջանում, այս ուժի օգտին քվեարկել է ընտրողների  57 տոկոսը։ Դիլիջանը կշարունկի ղեկավարել Դավիթ Սարգսյանը։


Իսկ ահա Սյունիքի Մեղրի համայնքում նախնական տվյալներով հաղթել է «Հանրապետություն» կուսակցությունը: Այն ստացել է ձայների 42,8 տոկոսը, իշխանական «Քաղաքացիական պայմանագիր»-ը՝ 32,8 տոկոսը, "Ազատական" կուսակցությունը 14.4 տոկոսը, «Ապրելու երկիր» կուսակցությունը` 9,8 տոկոսը:


Սյունիքի Տաթև և Տեղ համայնքներում հաղթել է «Քաղաքացիական պայմանագիր» կուսակցությունը՝  Տաթևում ՔՊ թեկնածու Արթուր Մաթևոսյանը, Տեղում՝  Դավիթ Ղուլունցը։


 

Մամուլ. Տաթևը ցույց կտա՝ Ռուբեն Վարդանյանը իշխանական պրոյե՞կտն է, թե՞ ընդդիմություն
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար