Մյասնիկովիչ. 2021 թվականին ԵԱՏՄ-ում սպասվում Է ՀՆԱ-ի 4 տոկոս աճ

COVID-19 պանդեմիայի բացասական ազդեցությունը Եվրասիական տնտեսական միության երկրների տնտեսությունների վրա նվազեցվել է մեր երկրների ավելի ակտիվ համագործակցության հաշվին: Արդյունքում՝ 2021 թվականին Եվրասիական տնտեսական միությունում սպասվում է ՀՆԱ-ի 4 տոկոս աճ՝ 2020 թվականին 2,9 տոկոս կրճատումից հետո:

Այդ մասին «Հանրապետությանը» տված հարցազրույցում պատմել է Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչը:

Նրա խոսքով՝ բարձր տեմպերով ընթանում է միության արտաքին շուկաների և փոխադարձ առևտրի վերականգնումը։ 2021 թվականի հունվար - օգոստոս ամիսներին փոխադարձ առևտրի ծավալն անցյալ տարվա նույն ժամանակահատվածի համեմատ աճել է 31,3 տոկոսով: Ընդ որում՝ աճ է գրանցվել ԵԱՏՄ բոլոր անդամ պետություններում։ Մյասնիկովիչը դրական է համարում այն փաստը, որ առավել ինտենսիվ կերպով զարգացել է ապրանքների արտահանումը ԵԱՏՄ-ից դուրս երկրների շուկաներ.աճը կազմել է 38,5 տոկոս:

«Համոզված եմ, որ ԵԱՏՄ պետությունների ներքին և ինտեգրացիոն ներուժի գործարկումը կարող է ապահովել, ըստ փորձագիտական գնահատականների, ԵԱՏՄ ՀՆԱ-ի աճի տարեկան տեմպերը միջինից բարձր են՝ 4,5 տոկոս՝ 3,8-4 տոկոսի դիմաց։ Դա թույլ կտա ամրապնդել միության դիրքերն աշխարհում. համաշխարհային ՀՆԱ—ում ԵԱՏՄ-ի մասնաբաժինը կարող է աճել մինչեւ 3,8 տոկոս, համաշխարհային առեւտրում՝ մինչեւ 2,7 տոկոս: Ազդեցությունը որոշ անդամ պետությունների գնահատվում է միջինը մինչեւ 13 տոկոս լրացուցիչ ՀՆԱ-ի աճի. Ռազմավարության իրականացումը՝ 2025-ը, իհարկե, կախված է մեր անդամ պետությունների կամքից ու ցանկությունից»,-նշել է նա։

Եվրասիական տնտեսական հանձնաժողովի Կոլեգիայի նախագահն արձանագրել է, որ պանդեմիայի ժամանակ միությունը ցույց է տվել իր ինքնուրույնությունը և անհրաժեշտության դեպքում պատրաստ է դիմակայել նոր մարտահրավերներին: