Հակառակորդի կրակոցից վիրավորված զինծառայողը վիրահատվել է

Նախօրեին Տավուշի մարզում հակառակորդի արձակած կրակոցից 19-ամյա զինծառայող է վիրավորվել, ով ավելի ուշ վիրահատվել է Նոյեմբերյանի բժշկական կենտրոնում: Զինծառայող Տիգրան Մկրտչյանն է:

ԼՂՀ ՊՆ-ից տեղեկանում ենք, որ հուլիսի 9-ի լույս 10-ի գիշերը ղարաբաղա-ադրբեջանական հակամարտ զորքերի շփման գծում պահպանվել է հարաբերական հանգիստ իրադրություն: Հակառակորդը հրադադարի ռեժիմը խախտել է տարբեր տրամաչափի հրաձգային զինատեսակներից:

ՊԲ առաջապահ զորամասերը ձեռնպահ են մնացել հակառակորդի սադրիչ գործողություններին պատասխանելուց և շարունակել են իրականացնել մարտական դիրքերի հուսալի պահպանություն: