Իրանում 10 մարդ է ձերբակալվել տարածաշրջանի երկրների օգտին լրտեսության կասկածանքով

Իրանի հարավում գտնվող Բուշեր նահանգում 10 մարդ է ձերբակալվել տարածաշրջանի երկրների հատուկ ծառայությունների օգտին լրտեսության կասկածանքով, ասվում է ԻԻՀ հետախուզության նախարարության հայտարարության մեջ:

Ինչպես հաղորդում է Mehr-ը, լրտեսներն աշխատել են «տարածաշրջանի որոշ երկրների» հատուկ ծառայությունների համար, որոնք արեւմտյան տերությունների դաշնակիցներն են: Հայտարարության մեջ նաև ասվում է, որ ձերբակալվածների ինքնությունը հայտնի է: