Մելքումյան. Լեռնային Ղարաբաղը պետք է վերադառնա բանակցային սեղանի շուրջ

Ապրիլյան քառօրյա պատերազմի պատասխանատուն Ալիևի իշխանությունն է: Այս մասին ԵԱՀԿ Խորհրդարանական վեհաժողովի նստաշրջանի լիագումար նիստում հայտարարել է հայկական պատվիրակության անդամ Միքայել Մելքումյանը: Վերջինս շեշտել է, որ Ալիևի իշխանությունն իրականացրել է անմարդկային և ֆաշիստական գործողություններ Լեռնային Ղարաբաղի խաղաղ բնակչության նկատմամբ՝ Թալիշ, Մատաղիս, Մարտակերտ և մի շարք այլ բնակավայրերում:

«Ազերիների կողմից հակամարդկային գործողություններ են իրականացվել մահացած մարդկանց դիակների նկատմամբ՝ կտրելով գլուխներ, մարմնի առանձին հատվածներ: Նմանատիպ դեպքեր են գրանցվել նաև ողջ մարդկանց նկատմամբ: արձագանքել այդ փաստերին ուղղակի անհնար է: Միջազգային հանրությունը և կառույցները պետք է իմանան և հստակ գնահատական տան կատարվածին»,-հայտարարել է ԲՀԿ-ական պատգամավորը:

Մելքումյանն ընդգծել է, որ այստեղ անելիք ունի ԵԱՀԿ Մինսկի խումբը: Նախ, ղարաբաղա-ադրբեջանական շփման գծի ողջ երկայնքով ներդրնի հրադադարի ռեժիմի խախտումն արձանագրող մեխանիզմներ և դրանից բխող պատասխանատվություն, իսկ որ ամենակարևորն է՝ Լեռնային Ղարաբաղը պետք է վերադառնա բանակցային սեղանի շուրջ:
«Լեռնային Ղարաբաղը պետք է վերադառնա բանակցային սեղանի շուրջ»,- շեշտել է հայ պատվիրակը: