Ադրբեջանցիները քանդել են Մեծ Թաղեր գյուղի Մակուն կամուրջը․ «Caucasus Heritage Watch»

Հադրութի շրջանի Մեծ Թաղեր գյուղում գտնվող Մակուն կամուրջը ավիրվել է: Այս մասին ահազանգում է  «Կովկասյան ժառանգության պաշտպանության միջազգային կազմակերպությունը» («Caucasus Heritage Watch»), հրապարակելով արբանյակային լուսանկարներ:

Համաձայն դրանց, կամուրջը քանդվել է Ադրբեջանի վերահսկողության տակ անցնելուց հետո, ապրիլի 8-ից հուլիսի 7-ն ընկած ժամանակահատվածում: 

Ըստ աղբյուրի, պատճառը ոչ միայն գետի հատվածում արվող ճանապարհաշինարարական աշխատանքներն են, այլև այն, որ ադրբեջանական կողմը ինժեներական աշխատանքներ է տանում՝ փորձելով փոխել Իշխանագետի հունը: