Ռուս խաղաղապահները Ստեփանակերտում խմելու ջրով են ապահովել ավելի քան 200 ընտանիք

Ռուսական խաղաղապահ զորախմբի զինծառայողները խմելու ջրով են ապահովել Ստեփանակերտ քաղաքում եւ Լեռնային Ղարաբաղի հեռավոր շրջաններում ավելի քան 200 ընտանիք, հաղորդում է Ռուսաստանի Պաշտպանության նախարարության կայքը:

«Արդեն տասներորդ օրն է՝ ջուր չկա։ Շատ շնորհակալություն, որ հիմա բերել են ջուր: Ջուրը միշտ բացակայում է, հատկապես ամռանը: Ապրում ենք երկրորդ հարկում, մենք վեց հոգի ենք։ Օգնությունը միշտ անհրաժեշտ է: Շատ շնորհակալ եմ ձեզ ջրի և ոչ միայն ջրի, այլև ամեն ինչի համար», - պատմել է Լեռնային Ղարաբաղի բնակչուհի Ալինա Հակոբյանը։

«Դուք մեզ համար շատ բան եք արել։ Օրը մեկ անգամ բերել, բավարար չէ, անմիջապես ավարտվում է: Լավ կլիներ, որ հաճախ բերեին։ Շնորհակալություն խաղաղապահներին», - շնորհակալություն է հայտնել նա։

Երկու օրվա ընթացքում խաղաղապահ զորակազմի նյութատեխնիկական ապահովման ստորաբաժանումները մոտ 15 տոննա խմելու ջուր են տեղափոխել Լեռնային Ղարաբաղի բնակիչներին:

Մինչեւ ջրային կայանի նորոգման-վերականգնողական աշխատանքների ավարտը եւ խողովակաշարի կառուցումը Լեռնային Ղարաբաղի քաղաքներ եւ շրջաններ խաղաղապահ զորակազմի զինծառայողները ամեն օր տեղի բնակիչներին կապահովեն ջրով:

«Ռուսական խաղաղապահ զորախմբի հրամանատարությունը որոշում է կայացրել Ստեփանակերտ քաղաքի տեղական ինքնակառավարման մարմինների կողմից տեղական բնակչությանը խմելու ջրով ապահովելու դիմումի կապակցությամբ։ Կազմվել է ջրի ամենօրյա փոխադրման ժամանակացույց։ Այսօրվա դրությամբ շուրջ 10 տոննա խմելու ջուր է տրամադրվել տեղի բնակչությանը», - ասել է ռուսական խաղաղապահ զորախմբի ներկայացուցիչ Վլադիսլավ Դեմկինը։

Ռուս խաղաղապահները նաև ապահովում են անվտանգությունը Մարտունու շրջանի արտեզյան հորից ջրագիծ անցնելիս՝ Թաղավարդ եւ կարմիր բազար բնակավայրերի բնակիչներին ջուր մատակարարելու համար: