Զբոսաշրջային "բում" Վրաստանում. հունիսին հարևան պետություն է այցելել 13342 ՀՀ քաղաքացի

Հունիսին Վրաստանը իրական զբոսաշրջային "բում" է ապահովել՝ միջազգային ճանապարհորդների համար բացելով իր սահմանները:

Զբոսաշրջության ազգային վարչության տվյալներով, նախորդ տարվա նույն ժամանակահատվածի համեմատ աճը կազմել է 294,2 տոկոս: Այս ցուցանիշում իրենց ներդրումն ունեն նաև Հայաստանից մեկնած քաղաքացիները:

Մասնավորապես, հունիսին միջազգային ճանապարհորդները Վրաստան են կատարել 116.6 հազար այց, որից 104.6 հազարը՝ զբոսաշրջային: Նախորդ տարվա նույն ժամանակահատվածի համեմատ զբոսաշրջիկների այցելությունների թիվն աճել է 286.8 տոկոսով:

Ամենից շատ հունիսին Վրաստան են այցելել Թուրքիայի, Ուկրաինայի, Իսրայելի, Ռուսաստանի և Հայաստանի քաղաքացիները: Վրաստան է այցելել 13.342 ՀՀ քաղաքացի:

VERELQ-ը հիշեցնում է, որ հունիսի 1-ից Վրաստանը բացեց նաև իր ցամաքային սահմանները: