"Ինձ կարող է ներել միայն Աստված". Սերժ Սարգսյանը քվեարկեց

Քիչ առաջ ընտրատեղամասում քվեարկեց ՀՀ երրորդ նախագահ Սերժ Սարգսյանը:

Քաղաքացիական պարտքը կատարելուց հետո Սերժ Սարգսյանը լրագրողներին հայտնեց, որ քվեարկել է հանուն անվտանգ, տնտեսապես զարգացած Հայաստանի և Արցախի հանրապետությունների, հանուն հզոր հայկական բանակի, սահմանների անձեռնմխելիության և հանուն մեր հասարակության հաշտության:

Քարոզարշավի ամփոփումը տալով նա ասաց.

"Ողջ իրավապահ համակարգը, հատկապես վերջին օրերին, ակնհայտ հրանգավորմամբ լծված են մեր դեմ գերուժ կիրառելու: Անհասկանալի հրավերներ ոստիկանության բաժիններ, անօրինական խուզարկություններ առանց դաատարանի որոշման, անօրինական ձերբակալություններ: Մենք առավոտվանից հետևում ենք իրադարձություններին և օրվա երկրորդ կեսին միջանկյալ հայտարարություն կանենք, իսկ հիմնական հայտարարությունը կանենք քվեարկությունից հետո":

Ամենագլխավոր խնդիրը, նշեց նա,  հասարակության պառակտումն է, որը պետք է հնարավորինս արագ կարգավորել, որովհետև նման պառակտման պայմաններում հնարավոր չէ որևէ զարգացում ակնկալել:

Ինչ վերաբերում է հարցին, թե արդյոք տեսնում հնարավորություն կոլիցիա կազմել Ռոբերտ Քոչարյանի "Հայաստան" դաշինքի հետ, նախկին նախագահը պատասխանեց՝ ընտրությունների արդյունքներից հետո այդ մասին կխոսեն:

Իսկ հարցին՝ Ռոբերտ Քոչարյանը ներե՞լ է ձեզ Նիկոլ Փաշինյանին իշխանությունը փոխանցելու համար, Սերժ Սարգսյանն արձագանքեց.

"Ինձ կարող է ներել միայն Աստված":

Սերժ Սարգսյանը նաև հրաժարվեց կանխատեսում անել ընտրությունների արդյունքների վերաբերյալ: