Ռուսաստանը կամրապնդի համագործակցությունը ԵԱՏՄ-ի շրջանակներում. Միշուստին

Ռուսաստանը մտադիր է ամրապնդել համագործակցությունը Եվրասիական տնտեսական միության շրջանակներում՝ արտաքին տնտեսական համագործակցության ընդլայնման և նոր կապերի հասանելիության համար։ Այս մասին հայտարարել է ՌԴ վարչապետ Միխայիլ Միշուստինը՝ ելույթ ունենալով Պետդումայում 2020 թվականին կառավարության գործունեության մասին հաշվետվությամբ։


«Մեր երկրի զարգացումը պահանջում է մուտք դեպի նոր շուկաներ, աշխատուժի ներհոսք, արտաքին տնտեսական համագործակցության ընդլայնում։ Դրա համար անհրաժեշտ է, այդ թվում՝ Եվրասիական տնտեսական միության հետագա ամրապնդումը։ Անցած տարին մեր միավորման համար լուրջ փորձություն էր։ Բայց ընդհանուր շուկան դիմացել է համաճարակի հարվածներին», - նշել է կառավարության նախագահը:


Նրա խոսքով՝ «հնգյակի» պետությունների միջեւ ներքին առեւտրի սեղմումն ավելի քիչ է, քան երրորդ երկրների հետ: Այս ամենը հնարավոր է դարձել ԵԱՏՄ գործընկերների հետ համակարգված աշխատանքի շնորհիվ, նշել է Միշուստինը։


«Մշակվել է համաճարակի դեմ պայքարի միջոցառումների համատեղ պլան։ Շտապ միջոցներ են ձեռնարկվել ներքին շուկան անհրաժեշտ ապրանքներով հագեցնելու համար։ Ավելին, մենք համաձայնեցրել ենք ապագայի հայեցակարգային մոտեցումները։ Անցյալ տարվա դեկտեմբերին մեր պետությունների ղեկավարներն ընդունեցին միության զարգացման ռազմավարությունը առաջիկա հինգ տարիների համար», - ասել է նա։


Վարչապետի խոսքով՝ Ռուսաստանը կշարունակի ապահովել ապրանքների, ծառայությունների, կապիտալի եւ աշխատուժի ազատ տեղաշարժը միության ընդհանուր շուկայում: «Այս ամենը նոր հնարավորություններ է ստեղծում բիզնես վարելու, տնտեսության ներդրումային գրավչության բարձրացման եւ բարձր տեխնոլոգիական արտահանման ավելացման համար», - հավելել Է Միշուստինը:

Տպել

Թեմայի այլ նորություններ
Загрузка...