Միացյալ Նահանգները պետք է կոշտ պատասխանատվության ենթարկի Ադրբեջանին. Ադամ Շիֆ

ԱՄՆ-ի Կոնգրեսի Ներկայացուցիչների պալատի Հայկական հարցերով հանձնաժողովի անդամ, կոնգրեսական Ադամ Շիֆն իր ֆեյսբուքյան էջում անդրադարձել է Բաքվում 19 հայ ռազմագերիների ու քաղաքացիական անձանց սպանությանն ու ներկայում Բաքվի բանտերում գտնվող մյուս գերիների հալածանքներին և կտտանքներին:

«Մինչ մենք աշխատում ենք ռազմագերիների շուտափույթ ազատ արձակմանը հասնելու ուղղությամբ, Միացյալ Նահանգները պետք է կոշտ պատասխանատվության ենթարկի Ադրբեջանին և բոլոր նրանց, որոնք կատարել են այս հանցագործությունները: Հարիկավոր է դադարեցնել քաղաքականությունը, որը թույլ է տվել, որ ԱՄՆ ռազմական օգնությունը հասնի Բաքվի ռեժիմին: Մենք չենք կարող նստել ձեռքներս ծալած, երբ հանցագործություններ են կատարվում Հայաստանի և Արցախի ժողովրդի դեմ:

Սրտի ցավ եմ ապրում 19 տղամարդկանց և կանանց համար, նրանց սիրելիների և ողջ հայկական համայնքի համար: Ես մշտապես կանգնած եմ լինելու նրանց կողքին՝ շարունակելով պայքարել Արցախի անկախության և խաղաղության հասնելու համար»,-գրել է կոնգրեսկանը:

Նա հավելել է, որ նշվածները Ադրբեջանի կողմից մարդու իրավունքների և միջազգային օրենքի կոպիտ խախտման փաստերեն, որն անպատասխան չպետք է թողնի ԱՄՆ-ը: