Ռուսաստանում ցանկանում են ժամանակավորապես սահմանափակել բենզինի արտահանումը

Ռուսաստանի կառավարությունը մտադիր է բենզին մտցնել այն ապրանքների ցանկում, որոնց արտահանումը կարող է ժամանակավորապես սահմանափակել, գրում է ռուսական «Կոմերսանտ» պարբերականը:

Առաջարկը քննարկվել է ՌԴ փոխվարչապետ Ալեքսանդր Նովակի մոտ ապրիլի 21-ին կայացած խորհրդակցության ժամանակ։

Թերթի տեղեկություններով՝ քննարկման արձանագրությունից հետեւում է, որ կառավարությունը բենզին կներառի ներքին շուկայի համար կարեւոր ապրանքների ցանկում, որոնց արտահանումը բացառիկ դեպքերում կարող է ժամանակավորապես սահմանափակել կամ ընդհանրապես արգելել։