2.10.2022
Գլխավոր հարցերը՝ ո՞ր հարցում էր ՀՀ-ն սնանկ և ինչո՞ւ էր ՌԴ-ին պետք զորք մտցնել մեր ռեգիոն
prev Նախորդ նորություն

Նորություններ գործընկերներից

Էդմոն Մարուքյանը Ռոբերտ Քոչարյանին կոչ է արել «մի կողմ քաշվել»

«Լուսավոր Հայաստան» խմբակցության ղեկավար Էդմոն Մարուքյանը նախկին իշխող վերնախավերին, այդ թվում՝ երկրորդ նախագահ Ռոբերտ Քոչարյանին, կոչ է արել «մի կողմ քաշվել»։


Նրա խոսքով՝ գործող իշխանությունները իսկական ազգային ողբերգություն են դարձել Հայաստանի համար։ Պատգամավորը կարծում է, որ երկիրն այս աղետից դուրս բերելու համար, որում հայտնվել է ներկայիս էլիտաների կառավարման հետևանքով, անհրաժեշտ է արտահերթ ընտրությունների անցկացում: Սակայն, շարունակեց նա, այդ գործընթացում որոշակի խնդիրներ կան։ Մարուքյանը վստահ է, որ ներկայիս իշխող թիմի իրական ընտրազանգվածը 10-15%–ն է, բայց նրա օգտին կքվեարկեն նաև նրանք, ովքեր կտրականապես դեմ են «նախկին իշխանությունների» վերադարձին։


Խոսքը կարող է վերաբերել ընտրողների ձայների 15-20%-ին, հնարավոր է՝ ավելի շատ, նշել է ընդդիմադիրը։ «Ես պաշտոնական առաջարկ եմ անում Ռոբերտ Քոչարյանին եւ նախկին իշխող էլիտաների մյուս ներկայացուցիչներին՝ մի կողմ քաշվեք, եւ մենք այդ մարդկանց (գործող իշխանություններին – խմբ.) կվերածենք խորհրդարանում փոքր, կոկիկ ընդդիմադիր խմբակցության՝ Նիկոլ Փաշինյանի գլխավորությամբ (գործող վարչապետ – խմբ.)», – հայտարարել է ընդդիմադիրը:


Մարուքյանն ընդգծել է, որ եթե նախկին իշխող էլիտաները չընկրկեն, ապա միայն կնպաստեն գործող իշխանության վերարտադրմանը, որն իր քարոզարշավը կկառուցի «նախկինների» վերադարձը թույլ չտալու անհրաժեշտության վրա։