Արցախի նախագահը կհարցաքննվի սահմանադրական կարգը տապալելու քրգործով. դատախազություն

Արցախի նախագահ Արայիկ Հարությունյանն առաջիկայում հարցաքննության է հրավիրվելու: Այս մասին տեղեկացնում է Արցախի դատախազությունը։

«Արցախի նախագահը հարցաքննության է հրավիրվելու Արցախի քրեական օրենսգրքի 312-րդ հոդվածի 1-ին մասով նախատեսված հանցագործության հատկանիշներով հարուցված քրեական գործով:

Հարցաքննության օրվա մասին կտրվի լրացուցիչ տեղեկություն» , - նշված է Արցախի գլխավոր դատախազության հաղորդագրության մեջ։

VERELQ-ը տեղեկացնում է, որ Քրեական օրենսգրքի նշված՝ 312-րդ հոդվածը վերաբերում է Սահմանադրական կարգը տապալելուն: