ՊՆ-ն հերքում է ՆԱՏՕ-ի Defender Europe 2021 զորավարժություններին մասնակցության մասին լուրը

Հայաստանի պաշտպանական գերատեսչությունը հերքում է ՆԱՏՕ-ի Defender Europe 2021 («Եվրոպայի պաշտպան-2021») զորավարժություններին հայ զինվորականների մասնակցության մասին տեղեկատվությունը:

Այս մասին հայտնում են տեղական լրատվամիջոցները՝ վկայակոչելով ՊՆ պաշտպանական քաղաքականության վարչության պետ Լևոն Այվազյանին։

«Այս թեմայով բոլոր հաղորդագրություններն ու լուրերը ապատեղեկատվություն են», - ասել Այվազյանը՝ խոստանալով, որ ավելի ուշ գերատեսչության մամուլի ծառայությունը հանդես կգա համապատասխան մեկնաբանությամբ:

Զորավարժությունների մասին

ԱՄՆ-ի Defender Europe-2021 բանակի մասշտաբային զորավարժությունները կանցկացվեն Բալկաններում եւ Սեւ ծովում ընթացիկ տարվա գարնանը եւ ամռանը: Նպատակը տարածաշրջանում հնարավոր ռազմական գործողությունների նախապատրաստումն է։

Զորավարժությունների ընթացքում հատուկ ուշադրություն է դարձվելու Ռումինիային, որը բազմազգ ստորաբաժանման տեղակայման ծրագրեր է մշակում, ինչպես նաեւ Բուլղարիային, որն այժմ ստանում է ՀՕՊ եւ ՀՀՊ ամերիկյան առաջադեմ համակարգերը:

Զորավարժությունները տեղի կունենան Սեւ ծովի ջրատարածքում, որտեղ նշվում է ԱՄՆ-ի ռազմածովային ներկայությունը:

Defender Europe-2021 զորավարժությունների շարքը նախատեսված է ճգնաժամի պայմաններում մայրցամաքում մեծ ուժերի տեղակայման վերաբերյալ Միացյալ Նահանգների բանակի արագ արձագանքի մշակման համար: