Շտայնմայեր. շփման գծում պետք է ամրապնդվի հրադադարը

ԵԱՀԿ-ում նախագահող Գերմանիայի արտգործնախարար Ֆրանկ-Վալտեր Շտայնմայերը հայտնել է, որ ինչքան երկար է շարունակվում հակամարտությունը Ղարաբաղում, ինչքան ինտենսիվ են զինվում կողմերը, այդքան մեծ է հակամարտության նոր սրման ռիսկը:

Ինչպես փոխանցում է РИА-ն, գերմանական ԱԳՆ-ի ղեկավարը նման հայտարարություն արել է Վիենայում, որտեղ այսօր կայացել է ԵԱՀԿ Մինսկի խմբի հանդիպումը եւ որտեղ սպասվում է Սարգսյան-Ալիեւ հանդիպումը:

«Շփման գծի երկայնքով կատաղի մարտերը, որոնք տեղի են ունեցել վեց շաբաթ առաջ, ցույց են տալիս, որ բազմամյա ստատուս քվոն կայացած չէ երկարաժամկետ կտրվածքով»,- մասնավորապե հայտնել է Շտայնամեյերը`նշելով, որ նման իրավիճակի շարունակվելու դեպքում նույնիսկ կարող է նոր պատերազմ սկսվել Հայաստանի եւ Ադրբեջանի միջեւ:

Շտայնմայերի խոսքով, ԵԱՀԿ-ն կարեւոր դեր է խաղում հակամարտության կարգավորման գործում:

«Ֆրանսիան, Ռուսաստանն ու ԱՄՆ-ն երկար տարիներ փորձում են կոնսոլիդացիա ստեղծել հրադադարի ռեժիմի պահպանման եւ քաղաքական գործընթացի վերսկսման շուրջ: Գերմանյան, որպես ԵԱՀԿ նախագահ, աջակցում է դրան»,- մասնավորապես ասել է Շտայնմայերը:

Գերմանիայի ԱԳ նախարարը կարծիք է հայտնել, որ հիմնական նպատակը պետք է կայանա հետևյալում. «Շփման գծում պետք է հաստատվի ու ամրապնդվի հրադադարը, համաձայնեցվեն վստահության մեխանիզմները և սկսվի բանակցային գործընթաց: Դա որոշակի ժամանակ կպահանջի, օր առաջ որոշում չի լինի»,- նշել է Գերմանիայի ԱԳ նախարարը: