Կառավարող «Իմ քայլը» խմբակցության ղեկավար Լիլիթ Մակունցը հաստատել է, որ իր՝ ԱՄՆ-ում Հայաստանի դեսպան նշանակվելու հարցը օրակարգում է, միաժամանակ հավելելով, որ այդ հարցի վերաբերյալ վերջնական որոշում դեռ չկա: Այս մասին նա հայտնել է նախօրեին՝ հունվարի 24-ին, «Ազատություն TV»-ին տված հարցազրույցում։
Մակունցը հայտնել է, որ այդ հարցը քննարկման փուլում է: Միաժամանակ նա չի հաստատել տեղեկությունն այն մասին, որ արդեն ստացել է ԱՄՆ-ում իր դեսպան նշանակվելու ագրեման: «Ոչ մի հաստատում դեռ չկա», - նշել է նա:
«Ինչպես ամբողջ աշխարհում, Հայաստանի Հանրապետությունում դեսպանները նշանակվում են ինչպես դիվանագիտական, այնպես էլ քաղաքական ճանապարհով։ Քաղաքական նշանակումների սահմանափակումներ չկան։ Ինչ վերաբերում է իմ փորձին, ապա կարծում եմ, որ այն հրապարակային էր խորհրդարանական դիվանագիտության շրջանակներում։ Փորձը, իհարկե, չափազանց կարևոր է, բայց որոշ դեպքերում այն առաջնային դեր չի խաղում», - ասել է նա։
Մակունցի նշանակման պատճառների և ոչ միայն. Մինասյանի վարկածը
Լիլիթ Մակունցը հնարավոր նշանակման մասին օրեր առաջ հայտարարել էր Վատիկանում Հայաստանի նախկին դեսպան Միքայել Մինասյանն իր Telegram-ալիքում:
«Նույնիսկ եթե ելնենք նրանից, որ Մակունցը վատ մարդ չէ, անկասկած, այն, որ Մակունցը ոչ կոմպետենտ քաղաքական գործիչ է, ավելին՝ ապաշնորհ դիվանագետ։ Եվ ոչ դիվանագետ ընդհանրապես։ Նրա անգրագիտության վկայությունը արտաքին քաղաքական ձախողումներն են տարբեր մակարդակներում, այդ թվում՝ միջխորհրդարանական։ Իսկ չէ որ հենց Մակունցն է Նիկոլ Փաշինյանը վստահել նախ գլխավորել մշակույթի նախարարությունը, իսկ հետո՝ իր խմբակցությունը։
Մակունցը, ով հայտնի է նրանով, որ եղել է Նիկոլի անգլերենի ուսուցչուհին, միայն մեկ արժանապատվություն ունի՝ Նիկոլը նրան անվերապահորեն հավատում է։ Ահա թե ինչու նրան ԱՄՆ ուղարկելով՝ որոշել է մեկ կրակոցով սպանել երկու նապաստակի՝ փրկել նրան խորտակվող նավից եւ այն օգտագործել երկու գերտերությունների միջեւ սանձազերծվող կեղտոտ խաղի մեջ», - գրել է նա։
Նրա խոսքով՝ Նիկոլի (Հայաստանի վարչապետի) թիմը, ձգեց այնուամենայնիվ, մինչեւ Բայդենի պաշտոնը ստանձնելը: Մակունցին որոշվել է ուղարկել «Պետդեպարտամենտի բլիթների համար, որոնց մասին այդքան երազում էին թավշյա հեղափոխականները»։
«Նրանց թվում է, թե մեծ գերտերություններիի հակամարտությունների կիզակետում գտնվող Հայաստանին կփրկի դիլետանտ Մակունցը: Նրա առաջիկա նշանակումը հարված է ոչ միայն հայ-ամերիկյան, հայ-ռուսական հարաբերություններին, Հայաստանի իմիջին, այլեւ մեր որպես անկախ երկրի գոյության հնարավորությանը, որը, որպես կանոն, կառուցել է կր քաղաքականությունը մեծ տերությունների շահերի համադրման, որ թե դրանց հակասությունների վրա», - կարծում է Մինասյանը:
Մինասյանը նաև պնդում է, որ օրերս Սորոսի շրջանակներին իջեցրել են հակառուսական հռետորաբանությունը խթանելու և ԱՄՆ-ի հետ սիրաշահելու քաղաքականությունը։ «Մակունցին նշանակելու որոշումը կլինի այն աշխարհաքաղաքական քաոսի ֆորմալացումը, ինստիտուցիոնալացումը, որի մեջ Նիկոլը ներքաշում է Հայաստանին», - ամփոփեց նա։
