29.03.2024
Արցախում հակառակորդի կրակից զինծառայող է վիրավորվել
prev Նախորդ նորություն

Նորություններ գործընկերներից

ՌԴ-ն երբեք չի առաջարկել տալ 7 շրջանները և մոռանալ ԼՂ կարգավիճակի մասին. Պոպովը Փաշինյանին

Ռուսաստանը երբեք չի դիտարկել Լեռնային Ղարաբաղի հակամարտության կարգավորման գործընթացը միայն Ադրբեջանին յոթ շրջաններ վերադարձնելու կոնտեքստում՝ անտեսելով դրա կարգավիճակի հարցը: Այս մասին ասվում է ԵԱՀԿ Մինսկի խմբի ռուսաստանցի համանախագահ, ՌԴ ԱԳՆ հատուկ հանձնարարականներով դեսպան Իգոր Պոպովի տարածած մեկնաբանության մեջ, որում նա արձագանքել է Նիկոլ Փաշինյանի  «44-օրյա պատերազմի ակունքները» հոդվածի որոշ թեզերի:


Մասնավորապես, դրանում նշվում է, որ Լեռնային Ղարաբաղի կարգավորման վերաբերյալ ռուսական առաջարկները չէին շոշափում կարգավիճակի հարցը և սահմանափակվում էին միայն Ադրբեջանին յոթ շրջաններ վերադարձնելու հարցով:


«Ռուսաստանյան առաջարկներ ասվածը, հավանաբար, վերաբերում է փուլային կարգավորման պլանին, որի վերջին տարբերակը կողմերին է ներկայացվել 2019-ի հունիսին ԵԱՀԿ Մինսկի խմբի համանախագահների կողմից:


Այս ծրագիրը, որը հիմնականում համընկնում է Կազանյան փաստաթղթի հետ, հիմնված է հիմնարար սկզբունքների վրա, որի շրջանակում առաջին փուլում Ադրբեջանին պետք է վերադարձվեին հինգ շրջանները, իսկ երկրորդ փուլում երկուսի, և հատուկ շեշտեմ` Լեռնային Ղարաբաղի կարգավիճակի որոշման հետ փոխկապակցված: Ուստի պնդել, որ Ռուսաստանն առաջարկել է յոթ շրջան վերադարձնել «ոչնչի դիմաց», մոռանալ կարգավիճակի մասին և խաղաղվել ճիշտ չէ:


Ինչ վերաբերում է ԼՂ վերջնական կարգավիճակի խնդրի լուծման տարբերակներին, վերջին տարիներին բանակցությունների սեղանին դրված առաջարկները նախատեսում էին որպես վերջնական նպատակ մեջբերում եմ. «Լեռնային Ղարաբաղի վերջնական իրավարար կարգավիճակի որոշումը ՄԱԿ-ի կամ ԵԱՀԿ հովանու ներքո կողմերի միջև համաձայնեցված ժամկետներում համազգային քվեարկության իրականացման եղանակով, որը կարտահայտի Լեռնային Ղարաբաղի բնակչության ազատ կամքը և իրավական պարտադիր բնույթ կկրի՝ միջազգային իրավունքի նորմերի և սկզբունքների համապատասխան»:


Ի դեպ, Լաչինի միջանցքի լայնությունն ու կարգավիճակը նույնպես առաջարկվում էր դիտարկել միայն երկրորդ փուլում


Ո՛չ հայկական, ո՛չ ադրբեջանական կողմը չի մերժել այդ առաջարկները, սակայն լիարժեք համաձայնության հասնել չի հաջողվել»,- նշել է դիվանագետը:


Ոչ հայկական, ոչ էլ ադրբեջանական կողմերը չեն մերժել այդ առաջարկները, չնայած լիարժեք համաձայնության հասնել հնարավոր չէր, բայց գլխավորն այն է, որ բանակցությունները վարվում էին կանոնավոր կերպով: Մինչեւ 2018 թվականը, երբ Երեւանը նոր մոտեցումներ առաջ քաշեց », - հավելել է Իգոր Պոպովը:

Ադրբեջանի սադրիչ քայլերը ուղղված են ապակայունացման ու խաղաղապահ ջանքերի խաթարման. ԱԳՆ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար