Նախընտրական Վրաստան. «Վրացական երազանքը» կթարմացնի իր թիմը

Վրաստանի վարչապետ Գեորգի Կվիրիկաշվիլին բացառել է, որ "Վրացական երազանք" կուսակցությունը որևէ կոալիցիայի մեջ մտնի Վրաստանի պատրիոտների ալյանսի կամ Նինո Բուրջանաձեի "Ժողովրդավարական շարժման" հետ:

Վրացական երազանքի ապագա նախագահ Կվիրիկաշվիլին տաս հեռուստաընկերությունների մասնակցությամբ թոք-շոուի ժամանակ հայտարարել է, որ դա տեղի չի ունենա ոչ այժմ, ոչ էլ ապագա խորհրդարանում, որն ընտրվելու է հոկտեմբերին, փոխանցում է civil.ge-ը: Նախկին վարչապետ Բիձինա Իվանիշվիլին, ով, ըստ հասարական կարծիքի վերջին հարցումների, կարևոր դերակատարում ունի որոշումների կայացման մեջ լրագրողների կողմից տրվող հարցերի կիզակետում էր:

Կվիրիկաշվիլին նշել է, որ Իվանիշվիլիի գործոնն այսօրվա քաղաքականության մեջ շատ կարևոր է և ինքը չի պատրաստվում ասել, որ դա այդպես չէ: Ըստ նրա, ինքը նորմալ, կառուցողական հարաբերություններ ունի Իվանիշվիլիի հետ: Կվիրիկաշվիլու խոսքով, Իվանիշվիլին շատ բան է արել վրացական քաղաքականության մեջ:

Վարչապետը հայտարարել է, որ Վրացական երազանքը, որը ինքը պատրաստվում է գլխավորել մայիսի 14-ին կայանալիք կուսակցական համագումարի արդյունքում, զգալի նորացումների կընթարկվի և կուսակցություն կմտնեն ժամանակակից, ապագային միտված պրոֆեսիոնալներ: «Տեղի է ունենում Վրացական երազանքի թիմի նորացում: Մոտ ապագայում դուք կտեսնեք երիտասարդ պրոֆեսիոնալների մեր շարքերում, որոնք մեծ ներդրում կբերեն երկրի բարեփոխման և արագ զարգացման գործում»,-հավելել է նա: