29.03.2024
Հրապարակվել է ադրբեջանական ագրեսիան հետ մղելիս զոհված ևս 23 զինծառայողների անունները
prev Նախորդ նորություն

Նորություններ գործընկերներից

Խոցել ենք թշնամու նույնքան զրահատեխնիկա, որքան ամբողջ առաջին արցախյան պատերազմում. նախագահ

Արցախյան ճակատում անցած չորս օրում մեր կողմից խոցվել է թշնամու նույնքան զրահատեխնիկա, որքան ողջ առաջին արցախյան պատերազմում: Այդ մասին հայտարարել է Արցախի նախագահ Արայիկ Հարությունյանը սեպտեմբերի 30-ին Ստեփանակերտում տեղի ունեցած ասուլիսի ժամանակ:


Նրա խոսքով, սեպտեմբերի 30-ին դիրքերի շոշափելի փոփոխություններ չեն եղել, մարտական գործողությունները ընթացել են ճակատային ողջ գծով։ «Կան փաստեր այն մասին, որ մարտական գործողություննեը շատ ավելի վաղ էին պլանավորվել», - ասաց նա՝ հավելելով, որ անցած չորս օրում խոցվել է թշնամու նույնքան զրահատեխնիկա, որքան ողջ առաջին արցախյան պատերազմում։


Նա հայտարարել է, որ ՊԲ-ում ծառայում է 18-ամյա զինծառայող, ով խոցել է հակառակորդի 9 միավոր տեխնիկա: «Նա այժմ շարունակում է ծառայությունը, կան արցախյան առաջին, ապրիլյան պատերազմի մասնակցած անձինք, ովքեր այժմ ևս մարտադաշտում են ու երեք տանկ են առգրավել Ադրբեջանից», - ասաց նախագահը։


Նա կրկնեց իր միտքն այն մասին, որ պատերազմը ոչ թե Հայաստանի ու Ադրբեջանի, այլ Հայաստանի ու Թուրքիայի միջև է: Այս համատեքստում նա վստահ չէ, թե արդյոք կկարողանա արցախյան առաջին պատերազմի նման Ռուսատսանը հանդես գալ միջնորդական առաքելությամբ և խոսել Թուրքիայի հետ այնպես, ինչպես խոսում էր Բաքվի հետ նախկինում:


«Այն ժամանակ կռվում էր Արցախը Ադրբեջանի դեմ ու ռուսը կարող էր «համոզել» Ադրբեջանին ու խնդրելու հայաստանին զինադադարի առումով, այսօր պետք է խոսի Հայստանի հետ և Թուրքիայի հետ։Ես չգիտեմ, թե ինչքանով է պատրաստ ռուսական իշխանությունը խոսելու թուրքական իշխանության հետ», - ասաց Արայիկ Հարությունյանը՝ պատասխանելով հարցին՝ կա՞ն արդյոք ազդակներ Ռուսաստանից բանակցությունների մեկնարկի մասին:


Անդրադառնալով Սիրիայից և Լիբիայից Ադրբեջան ժամանած վարձկանների թեմային, որի մասին գրում են միջազգային հեղինակավոր ԶԼՄ-ները, ինչպես նաև հայտարարություն է արել ՌԴ ԱԳՆ-ն, Հարությունյանը հիշեցրեց չեչեն ռազմական գործիչ Շամիլ Բասաևի հայտարարությունը: «Նա հայտարարել է, որ արցախյան պատերազմն իրենց պատերազմը չէ», - ասաց Հարությունյանը՝ կանխատեսելով, որ վարձկանները փորձանք են դառնալու Ադրբեջանի ժողովրդի գլխին։


Արցախի նախագահը խոսլե է Հայաստանի կողմից Արցախի անկախության ճանաչման հարցը օրակարգում պահելու մասին: «Հարցն օրակարգում է, սակայն պիտի կայացվի այնպիսի որոշում, որ հետագայում Արցախի ինքնորոշման իրավունքի հետ կապված խնդիրներ չլինեն, - ասել է նա՝ վերջում հավելելով: - Արցախը երբեք չի գրավվել ու չի գրավվելու»։


 


 

Շփման գծում գիշերվա ընթացքում պահպանվել է հարաբերական կայուն լարվածություն. ՊԲ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար