Գագիկ Խաչատրյանը կմնա կալանքի տակ

ՊԵԿ նախկին նախագահ Գագիկ Խաչատրյանը կմնա կալանքի տակ:


Երևանի ընդհանուր իրավասության դատարանը՝ դատավոր Արթուր Մկրտչյանի նախագահությամբ, օգոստոսի 27-ին կալանավորումը համարեց հիմնավորված՝ մերժելով Խաչատրյանի փաստաբանների միջնորդությունը: Դատական ակտը կարող է բողոքարկվել վերաքննիչ քրեական դատարան՝ 10 օրվա ընթացքում։


Գագիկ Խաչատրյանի փաստաբան Երեմ Սարգսյանը դատարանի որոշումն ակնհայտ ապօրինի որակեց, այն  կբողոքարկվի։


VERELQ-ը հիշեցնում է, որ Գագիկ Խաչատրյանին մեղադրանք է առաջադրվել ՀՀ ՔՕ 308-րդ հոդվածի 2-րդ մասի 3-րդ կետով (պաշտոնեական լիազորությունները չարաշահելը, որն անզգուշությամբ առաջացրել է ծանր հետեւանքներ), 179-րդ հոդվածի 3-րդ մասի 1-ին կետով (յուրացնելը կամ վատնելը` առանձնապես խոշոր չափերով), 38-179-րդ հոդվածի 3-րդ մասի 1-ին կետով, 311-րդ հոդվածի 4-րդ մասի 2-րդ կետով (կաշառք ստանալը), 38-190-րդ հոդվածի 3-րդ մասի 1-ին կետով եւ 314-րդ հոդվածի 1ին-մասով (պաշտոնեական կեղծիք):


Գագիկ Խաչատրյանն արդեն շուրջ մեկ տարի է, ինչ կալանքի տակ է։


 

Տպել

Թեմայի այլ նորություններ
Загрузка...