Հայաստանը օգնություն է առաջարկել Լիբանանի եղբայրական ժողովրդին. Փաշինյան

ՀՀ վարչապետ Նիկոլ Փաշինյանը քիչ առաջ հեռախոսազրույց է ունեցել Լիբանանի նախագահ Միշել Աունի հետ:

«Զորակցություն եւ ցավակցություն հայտնելով երեկվա պայթյունի եւ զոհերի կապակցությամբ՝ Հայաստանի Հանրապետության օգնությունն առաջարկեցի Լիբանանի եղբայրական ժողովրդին:

Լիբանանի կառավարությունն այժմ կարիքների գնահատում է իրականացնում եւ գնահատման արդյունքում Հայաստանի կառավարությունը ըստ անհրաժեշտության կկայացնի որոշումներ»,- Facebook-ի իր էջում գրել է ՀՀ վարչապետ Նիկոլ Փաշինյանը: