19.03.2024
Անձնագրային և վիզաների վարչությունն ու անձնագրային ծառայությունները կաշխատեն ժամը 9-11-ը
prev Նախորդ նորություն

Նորություններ գործընկերներից

Վանեցյանի քաղաքական փորձառությունն այնքան քիչ է, որ մի 5-7 տարի նա պետք է լռի. Սիմոնյան

Արթուր Վանեցյանի քաղաքական փորձառությունն այնքան քիչ է, որ որոշ ժամանակ՝ մոտավորապես 5-7 տարի նա պետք է լռի և ուսումնասիրի քաղաքական գործընթացները, վարչապետի, նախագահի և մնացածի տարբերությունը, ուսումնասիրի քաղաքական դաշտը։ Այս մասին լրագրողների հետ ճեպազրույցում հայտարարեց ԱԺ փոխնախագահ Ալեն Սիմոնյանը՝ անդրադառնալով ԱԱԾ նախկին տնօրեն Արթուր Վանեցյանի հայտարարություններին։


Նրա խոսքով, Վանեցյանի հնչեցրած առաջարկը՝ ձևավորել ազգային համաձայնության կառավարություն, չի նշանակում, թե պետք միայն մի կուսակցություն այդ համաձայնության կառավարության առաջարկ անի:


«Եթե նման առաջարկ կա, պարոն Վանեցյանը կարող է իր կուսակցությունով, օրինակ՝ «Սասնա Ծռեր», «Հանրապետական» կուսակցության հետ քննարկի և կոնկրետ առաջարկ ներկայացնի: Ես խոսք եմ տալիս այդ առաջարկը հնարավորության դեպքում հնչեցնել մեր վարչության նիստի ժամանակ։ Ես առաջարկում եմ բոլոր արտախորհրդարանական կուսակցություններին, այն է՝ «Սասնա Ծռեր»-ին, այն է՝ «Հանրապետական» կուսակցությանը և պարոն Վանեցյանին միասին հավաքվել։ Ի վերջո, ինչո՞վ է Վանեցյանը տարբերվում մյուս արտախորհրդարանական ուժերից, որ ինչ-որ պահ ասոցացվել է մեզ հե՞տ, որ ինչ-որ մի պահ եղել է ՀՀ ԱԱԾ պե՞տ։ Կարծում եմ՝ մի քիչ ուռճացված է մի անձի շուրջ ձևավորված դիսկուրսը: Հայաստանի Հանրապետությունը խաղալիք չի՝ փողով մեջը քաղաքականություն խաղալու համար: ՀՀ-ում գումարով քաղաքականություն ձեւավորելը և երկրի ճակատագրի հետ խաղալը անընդունելի է»,- հավելեց Ալեն Սիմոնյանը:


VERELQ-ը հիշեցնում է, որ Վանեցյանը հայտարարել էր, որ Նիկոլ Փաշինյանը պետք է հրաժարական տա, որովհետև այն, ինչ կատարվում է երկրում, աղետ է, որն օրեցօր ավելի ծանր հետևանքների է բերելու: Նա պնդել է, որ պետք է համախմբվել մի օրակարգի շուրջ և ձևավորել ազգային համաձայնության կառավարություն


«Մեր հայրենիքը գտնվում է ծայահեղ ծանր վիճակում։ Կորոնավիրուսով պայմանավորված իրավիճակը ցույց տվեց, որ իշխանությունները պատրաստ չեն իրականացնել արդյունավետ կառավարում։ Հակահամաճարակային միջոցառումները Հայաստանի կառավարությունն ամբողջությամբ տապալել է»,- շեշտել է նա։


 

Արցախի նախագահը արդարադատության նախարար է նշանակել
Հաջորդ նորություն next