ՊԵԿ-ը զգուշացնում է՝ «խաղեր չտալ» հայրենադարձների արտոնություններից օգտվելու հարցում

Վրաստանից Հայաստան մշտական բնակության վերադարձող 80-ամյա տատիկը իր հետ Հայաստան էր բերել նաև 2019 թվականի արտադրության «Bentley»: Պետական ​​եկամուտների կոմիտեի նախագահի տեղակալ Շուշանիկ Ներսիսյանը լրագրողների հետ հանդիպմանն այսօր հիշեցրեց, որ հայրենիք վերադարձողների անձնական իրերը մաքսատուրքերից և հարկերից ազատելու մասին նախագծով և՛ արտոնություններ են սահմանվում, և՛ սահմանափակումներ:

Նա հավաստիացրեց՝ ՊԵԿ-ը շատ խիստ է արձագանքելու չարաշահումներին ու դրանց փորձերին.  

«Տարեց կինը լիազորել էր երկու երիտասարդի զբաղվել այդ հարցերով («Bentley»-ի տեղափոխմամբ - խմգ.): Արտոնությունները չարաշահել փորձող անձանց նկատմամբ կոշտ մեթոդներ կկիրառվեն: Եթե եմզ չեն խաբում, մենք մաքսիմալ կերպով աջակցում ենք Հայաստան վերադառնալու ցանկություն հայտնած քաղաքացիներին», - նշեց Նրեսիսյանը:

Հիշեցնենք, կարգավորման համաձայն, եթե անձը երեք տարի բացակայել է Հայաստանից, ապաստանում է որոշակի արտոնություններ՝ ՀՀ մշտական բնակության վերադառնալու ցանկության դեպքում: Խոսքն այն քաղաքացիների մասին է, որոնք ՀՀ-ում հաշվառված չլեն: Իսկ այն քաղաքացիները, որոնք մեկնել են Հայաստանից, բայց ունեն ՀՀ անձնագիր, երկրում գույք ու սեփականություն, հաշվառում, կհամարվեն հաշվառումից դուրս եկած և կօգտվեն արտոնությունից, եթե երեք տարի անընդմեջ բացակայել են ՀՀ-ից: