Գերմանիայի ԱԳՆ. Բեռլինը կմասնակցի ղարաբաղյան հակամարտության կարգավորմանը

Գերմանիան ԵԱՀԿ-ում նախագահություն է ստանձնում բարդ ժամանակահատվածում: ԵԱՀԿ-ն անհրաժեշտ է որպես երկխոսության և վստահության հարթակ: Այդ մասին նշված է Գերմանիայի ԱԳ նախարար Ֆրանկ-Վալտեր Շտայնմայերի հայտարարության մեջ, որի տեքստը տարածել է Գերմանիայի ԱԳՆ-ը:

Շտայնմայերը նշել է, որ Ստամբուլի պայթյունները, ճգնաժամը Մերձավոր Արևելքում և հակամարտությունն Ուկրաինայի արևելքում ցույց են տալիս, որ Գերմանիան ստանձնում է ԵԱՀԿ-ում նախագահությունը բարդ ժամանակահատվածում: Նա վստահություն է հայտնել, որ հենց այժմ ԵԱՀԿ-ն անհրաժեշտ է որպես երկխոսության և վստահության ձևավորման հարթակ, փոխանցում է ՏԱՍՍ-ը:

Նրա խոսքով, իրենք մասնացկելու են նաև Լեռնային Ղարաբաղում, Մերձդնեստրում և Հարավային Կովկասում հակամարտությունների կարգավորմանը և կակտիվացնեն ԵԱՀԿ-ի առաքելությունների աշխատանքները տեղում: