Իրանի ՊՆ. Տարածաշրջանում տիրող անկայունության գլխավոր պատճառը ԱՄՆ է

Իրանի պաշտպանության նախարարը Կատարի, Քուվեյթի և Օմանի պաշտպանության նախարարների հետ հեռախոսազրույցում հայտարարել է, որ այն ռազմական կոալիցիան, որ Միացյալ Նահանգները ձգտում է ստեղծել Պարսից ծոցի տարածաշրջանում նավագնացության անվտանգությունն ապահովելու պատրվակով, կհանգեցնի տարածաշրջանում անկայունության տարածմանը:

Ամիր Հաթամին ընդգծել է, որ տարածաշրջանում տիրող անկայունության գլխավոր պատճառը Միացյալ Նահանգներն են:

«Տարածաշրջանի անվտանգությունն Իրանի և Պարսից ծոցյան մյուս հարևան երկրների ընդհանրությունն է և տարածաշրջանի երկրները պետք է այս բնագավառում կառուցողական բանակցություններ վարեն»,-հավելել է նա: