ԱՄՆ պետդեպը անընդունելի է անվանել Սիրիայում Թուրքիայի ռազմական գործողությունը

ԱՄՆ պետքարտուղարության մամուլի ծառայության ղեկավար Մորգան Օրտեգուսը հայտարարել է, որ ԱՄՆ-ն անհանգստացած է Սիրիայում ռազմական գործողություն իրականացնելու Թուրքիայի մտադրությամբ:

Նրա խոսքով՝ այդպիսի գործողություններն անհանգստության տեղիք են տալիս, երբ մերձակայքում կարող են գտնվել ԱՄՆ-ի զինվորները։ Նա նշել է, որ տվյալ գործողություններն անընդունելի են, և որ ԱՄՆ-ի իշխանությունները Թուրքիայի կոչ են անում համատեղ մոտեցման շուրջ աշխատել։

Քաղաքական գործիչը նաև հայտարարել է, որ Վաշինգտոնը շարունակում է անվտանգության գոտու շուրջ բանակցություններ վարել Անկարայի հետ։