Մահացել է ԱԷՄԳ գլխավոր տնօրեն Յուկիա Ամանոն

Կյանքի 73-րդ տարում մահացել է Ատոմային էներգիայի միջազգային գործակալության (ԱԷՄԳ) գլխավոր տնօրեն Յուկիա Ամանոն: Այս մասին հայտնում է ՌԻԱ Նովոստին։

Նա ԱԷՄԳ-ը գլխավորել է 2009-ին, մինչ այդ եղել է Ճապոնիայի դեսպանն ու մշտական ներկայացուցիչը գործակալությունում։

Ամանոն ծառայել է նաեւ ՄԱԿ-ում, 1972-ից զբաղեցրել է տարբեր պաշտոններ Ճապոնիայի արտաքին գործերի նախարարությունում։

Մասնագիտացել է զինաթափման եւ միջուկային զենքի չտարածման ոլորտներում։