29.03.2024
Մամուլի տեսություն. Երևանում ընտրակաշառք են բաժանում
prev Նախորդ նորություն

Նորություններ գործընկերներից

Լեռնային Ղարաբաղում սկսվել է մարդահամարը

Լեռնային Ղարաբաղի Հանրապետությունում մեկնարկել է մարդահամարը: Այդ մասին հայտնում են ԼՂՀ Ազգային վիճակագրական ծառայության Մարդահամարի վարչությունից:

Մարդահամարը կազմակերպելու եւ անցկացնելու համար ստեղծված են Հանրապետական, Ստեփանակերտի քաղաքային եւ 7 շրջանային հանձնաժողովներ, 9 մարդահամարի, 90 հրահանգչական եւ 501 հաշվային տեղամասեր:

Մարդահամարը կտեւի մինչեւ դեկտեմբերի 9-ը ներառյալ: Նախնական տվյալները հայտնի կլինեն 2016թ. ապրիլի սկզբին, իսկ վերջնականը` 2016թ. ավարտին, հայտնում է Մեդիամաքսը:

Նշենք, որ համաձայն «Մարդահամարի մասին» ԼՂՀ օրենքի` Արցախում մարդահամար է անցկացվում 10 տարին մեկ եւ սա հանրապետության անկախության պատմության մեջ երկրորդ տարիներին թվով 2-րդն է:

«2005թ. անցկացված առաջին մարդահամարից հետո մեր երկրում տեղի են ունեցել սոցիալ-տնտեսական էական փոփոխություններ, բնակչության թվաքանակի, տեղաբաշխման, սոցիալ-ժողովրդագրական, տնտեսական ակտիվության, տնային տնտեսությունների բնակության պայմանների, կենսամակարդակի եւ այլ բնութագրիչների հետ կապված: Տնտեսական եւ սոցիալական բարեփոխումների ուղի բռնած Արցախի համար շատ կարեւոր է ապահովել մարդահամարների պարբերաբար անցկացումը, քանի որ դրանց արդյունքներն էական նշանակություն կունենան երկրի պետական եւ տնտեսական քաղաքականության մշակման, պլանավորման եւ կառավարման համար»,- նշել են ԼՂՀ ԱՎԾ Մարդահամարի վարչությունում:

Վարչությունում ընդգծել են նաեւ, որ մարդահամարը հնարավորություն կտա ուսումնասիրել հասարակական եւ տնտեսական մակարդակներում տեղ գտած փոփոխություններն ու կանխորոշել հետագա առաջընթացի նոր ուղղություններն ու սկզբունքները:

2005թ. մարդահամարի տվյալներով՝ ԼՂՀ բնակչության թիվը կազմել է 137 հազ. մարդ։
Գյումրիին կհատկացվի 23 մլն եվրո բարեկարգման ու լուսավորման համար
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար