Ապատեղեկատվություն է. Աննա Հակոբյանը չի հանդիպել Մեհրիբան Ալիեւայի հետ. խոսնակ

ՀՀ վարչապետի տիկնոջ՝ Աննա Հակոբյանի գրասենյակի մամուլի խոսնակ Հասմիկ Հարությունյանը հերքում է Աննա Հակոբյանի եւ Ադրբեջանի նախագահի տիկին Մեհրիբան Ալիևայի հետ հանդիման մասին լուրերը:

«Հարգելի գործընկերներ, խնդրում եմ ապատեղեկատվություն մի տարածեք: Արդեն մի քանի լրատվամիջոցների հերքել եմ, տեղեկացնում եմ նաև այս հարթակում՝ ՀՀ վարչապետի տիկին Աննա Հակոբյանը Ադրբեջանի նախագահի տիկին Մեհրիբան Ալիևայի հետ հանդիպում չի ունեցել: Ավելին Աննա Հակոբյանը այս օրերին Փարիզում չի եղել, իսկ ԱՄՆ այցին մեկնել է Մոսկվայով», - ասված է հերքման տեքստում:

Ավելի վաղ, որոշ ԶԼՄ-ներ, հղում կատարելով Facebook-յան ինչ-որ օգտատիրոջ (նշվում է, որ օգտատերը կեղծ է) գրառմանը, լուրեր էին տարածել, որ Աննա Հակոբյանն ու Մեհրիբան Ալիևան նույն ինքնաթիռով են մեկնել ԱՄՆ: