Սիրիայում անվտանգության գոտին պետք է վերահսկի Թուրքիան. Չավուշօղլու

Թուրքիայի և Սիրիայի սահմանին անվտանգության գոտին պետք է վերահսկի թուրքական կողմը, սակայն Անկարան կշարունակի համագործակցել ռուսաստանցի զինվորականների հետ: Այդ մասին ՌԻԱ Նովոստիի հետ զրույցում ասել է Թուրքիայի ԱԳՆ ղեկավար Մևլութ Չավուշօղլուն` մեկնաբանելով բուֆերային գոտում ռուսական ռազմական ոստիկաններին տեղակայելու հնարավորությունը:

«Դա մեր սահմանի մոտ է, այնպես որ` գործընթացը պետք է ղեկավարի Թուրքիան: Սակայն մենք միշտ աշխատել ենք ՌԴ-ի հետ և կշարունակենք աշխատել, այդ թվում` ՌԴ անվտանգության ծառայությունների աշխատակիցների և զինվորականների հետ»,- ասել է նա: