Ֆրանսիացիների մեծ ամսը գոհ են երկրի նախագահ Մակրոնի խոստումներից․ հարցում

Ֆրանսիացիների մեծ ամսը գոհ են երկրի նախագահ Էմանուել Մակրոնի խոստումներից եւ կողմ են բողոքի ակցիաների դադարեցմանը։ Այս մասին վկայում են OpinionWay ընկերության հարցման տվյալները։

Հարցման արդյունքները հրապարակել է LCI հեռուստաալիքը, համաձայն որոնց հարցման մասնակիցների 78 տոկոսը հավանություն է տալիս հարկերի նվազեցմանը, իսկ 68 տոկոսն՝ ամսական նվազագույն աշխատավարձը 100 եվրոյով բարձրացնելուն:

«Ֆրանսիացիների 54 տոկոսը համոզված է «դեղին բաճկոններ» շարժման բողոքի ցույցերը դադարեցնելու անհրաժեշտության հարցում, մինչդեռ 45 տոկոսը հանդես է գալիս դրանց շարունակման օգտին», - վկայում են հարցման տվյալները: Նշվում է, որ երկրում բուն շարժման պաշտպանության մակարդակը գրեթե չի փոխվել՝ 66 տոկոս:

Հատկանշական է, որ յկարծիքները կիսվել է Մակրոնի ելույթի համոզիչ լինելու վերաբերյալ։ Հարցվածների 50 տոկոսը նախագահի ելույթը ոչ համոզիչ է համարել, իսկ 49 տոկոսը հավատացել է Մակրոնի խոսքին:

Հացումն անցկացվել Է Ֆրանսիայի նախագահի ելույթի հեռարձակումից անմիջապես հետո, որին մասնակցել է 18-ից բարձր տարիքի 991 մարդ:

Ֆրանսիայի նախագահ Էմանուել Մակրոնը հայտարարել է երկրում արտակարգ տնտեսական եւ սոցիալական դրության ռեժիմ մտցնելու մասին: Պատճառը երկրում «անթեւ դեղին բաճկոնների» բողոքի ակցիաներն են, որոնց մեկնարկից ի վեր ձերբակալվել է արդեն ավելի քան 4000 մարդ: «Դեղին անթեւ բաճկոնների» բողոքի լայնամասշտաբ ակցիաները սկսվել են նոյեմբերի 17-ից:

Մակրոնը դատապարտել է բռնությունները, որոնք գրանցվում են բողոքի ակցիաների ժամանակ, նշել, որ այդ հանցանքները արդարացնել հնարավոր չէ: Նախագահ Էմանուել Մակրոնը նաեւ համաձայնել էր զիջման գնալ ու հետաձգել բենզինի՝ հունվարի 1-ից ծրագրված թանկացումը, համաձայնել է նաեւ ավելացնել նվազագույն աշխատավարձերը:

Մակրոնը խոստացել է դրանք ավելացնել 100 եվրոյով, բարձրացումը ուժի մեջ կմտնի 2019-ի հունվարին: Սակայն, ինչպես նշում են ԶԼՄ-ները, նույնիսկ այս քայլը չի բավարարել «դեղին անթեւ բաճկոններին», որոնց միացել են ուսանողներ, ինչպես նաեւ մեծ թվով անարխիստներ երկրի տարբեր հատվածներից: