Կաշկանդված չենք. Փաշինյանը չի բացառում վերադարձը նախագահական կառավարման համակարգին

355

Սիսիանում ընտրարշավի շրջանակում քաղաքացիների հետ հանդիպման ժամանակ վարչապետի պաշտոնակատար, «Իմ քայլը» դաշինքի 1-ին համար Նիկոլ Փաշինյանը հայտարարեց, որ ընտրությունների ժամանակ ՀՀ քաղաքացու վրա որևէ ապօրինի ազդեցություն չպետք է լինի եւ խոսեց սահմանադրության փոփոպության հնարավորության մասին:


Նա բացառեց, ընտրողների վարքագծի վրա ապօրինի ազդեցության մեխանիզմների կիրառումը: «Ազատ, ժողովրդավար ընտրությունները չեն վերաբերում միայն նրանց, ովքեր մտադիր են այս ընտրություններում քվեարկել «Իմ քայլի» օգտին: Դա վերաբերում է բոլորին, բոլոր նրանց, ովքեր թույլ չեն տալիս, որ իրենց ուղղորդեն: Ընտրություններում ուղղորդելու մի ձև կա՝ լսել քաղաքական գործիչներին, ճանաչել նրանց, որոշել, թե ում օգտին եք ուզում քվեարկել»,- ասաց Նիկոլ Փաշինյանը:


Հանրահավաքի ժամանակ վարչապետի պաշտոնակատարը հիշեցրեց, որ խորհրդարանական նախորդ ընտրություններում իրենք պարզել էին ՀՀԿ շտաբերից մեկում ընտրակաշառք բաժանելու փաստը: “Եվ այսօր, ըստ նրա, պարզվել է, որ 130.000 դոլարի ընտրակաշառք է բաժանվել այդ շտաբից, և 11 հոգի այս գործով ամբաստանյալի կարգավիճակով դատվում է”, - ասաց նա:


«Ես ուզում եմ, որ սա լուրջ ազդակ լինի նրանց համար, ովքեր մտադիր են քաղաքացիների կամքը աղավաղելու փորձ անել: Կարող է՝ լինեն մարդիկ, ովքեր փորձեն արջի ծառայություն մատուցել «Իմ քայլը» դաշինքին: Մեզ ոչ մի «հարամ» ձայն պետք չէ, թող ոչ մեկը չփորձի մեզ ապօրինի ծառայություն մատուցել: Դա նվաստացուցիչ կլինի հեղափոխության համար»,- նշեց Նիկոլ Փաշինյանը:


Վարչապետի պաշտոնակատարը նաեւ խոսեց հնարավոր սահմանադրական փոփոխությունների մասին: Նա ասաց, որ նախընտրական ծրագրում Սահմանադրության գլոբալ փոփոխության մասին ոչինչ չեն գրել, որովհետև «ամեն ընտրությունից հետո Սահմանադրություն չեն փոխում, 7 ամսվա Սահմանադրությունը պետք է թողնել՝ մի քիչ աշխատի»:


Նա նաեւ նեց, որ կաշկանդված չեն սահմանդրությունը բարեփոխելու հարցում: «Եթե տեսնենք, որ խորհրդարանական համակարգը պետք է փոխել, վերադառնալ նախագահական համակարգի, մենք կաշկանդված չենք, եթե ուզեք, կանենք: Սահմանադրության մեջ կան կետեր, որոնք պարտադիր պետք է փոխել: Օրինակ, ասվում է, որ պատգամավոր ու նախարար կարող են լինել միայն նրանք, ովքեր վերջին 4 տարում եղել են միայն ՀՀ քաղաքացի, մշտապես բնակվել են ՀՀ-ում: Եթե պատգամավորի դեպքում այս մոտեցումը արդարացված է, գործադիրի պարագայում սա սահմանափակումներ է դնում Սփյուռքի ներուժը ներգրավելու հետ կապված:


Ես էլ եմ ժամանակին ասել, որ Սահմանադրությունը սուպերվարչապետական է, քայլեր պետք է ձեռնարկենք, որ բռնապետություն ու անձնապաշտություն հաստատելու բոլոր հնարավորությունները վերանան: Շատ կարևոր է չխախտել իշխանության ուղղաձիգ բուրգը, որովհետև երկիրը պետք է լինի կառավարելի: Չի կարող պետության մեջ հստակ չլինել, թե ով է երկրի ղեկավարը: Այո, այս Սահմանադրությամբ հստակ է, որ երկրի ղեկավարը վարչապետն է, բայց պետք է լինի փոխզսպման մեխանիզմ»,- շեշտեց Նիկոլ Փաշինյանը:

Տպել

Թեմայի այլ նորություններ
Загрузка...