Վրաստանից Հայաստան ապրանքների ներմուծման գործընթացը կարագացվի

Վրաստանում Հայաստանի դեսպանությունը հայտնում է, որ Վրաստանից Հայաստան ապրանքների ներմուծման գործընթացը կարագացվի:

«Տեղեկացնում ենք, որ Հայաստանի և Վրաստանի մաքսային ծառայությունները շուտով կներդնեն տվյալների էլեկտրոնային փոխանակման համակարգ, որը կարագացնի սահմանին բեռների ստուգման գործընթացը։

Վրացի մաքսավորները Հայաստանի սահմանին ապրանքի մասին տվյալներ հավաքելիս դրանք կգաղտնագրեն թվային կոդով և այն կփոխանցեն հայկական կողմին, որը թույլ կտա հայկական մաքսակետում ապրանքը նորից չզննել (կամ զննել միայն ծայրահեղ անհրաժեշտության դեպքում)»,- ասված է դեսպանության հաղորդագրության մեջ։