Անհրաժեշտ են արտահերթ խորհրդարանական ընտրություններ. Վաշաձե

Ընտրությունների երկրորդ փուլում իր հաղթանակի դեպքում Վրաստանի «Միասնական ազգային շարժում» նախկին իշխող կուսակցության նախագահի թեկնածու Գրիգոլ Վաշաձեն մտադիր է արտահերթ խորհրդարանական ընտրություններ անցկացնել:

«Անհրաժեշտ է փոխել քաղաքական համակարգը: Մեր առաջին քայլը արտահերթ խորհրդարանական ընտրություններ նշանակելն է», – հայտարարել է Վաշաձեն ընտրողների հետ հանդիպմանը Քութայիսում:

Նա հայտարարել է կառավարությունն «արհեստավարժներով» համալրելու անհրաժեշտության, դատական և իրավապաշտպան համակարգերում բարեփոխումների իրականացման մասին: