ԱՄՆ-ը չի հրաժարվում սպառազինությունների վերահսկողությունից. Պենտագոնի ղեկավար

ԱՄՆ պաշտպանության նախարարության ղեկավար Ջեյմս Մեթիսը հայտարարել է, որ ԱՄՆ-ը շփումներ ունի Եվրոպայում դաշնակիցների հետ միջին և փոքր հեռահարության հրթիռների ոչնչացման վերաբերյալ ռուս-ամերիկյան պայմանագրի հարցով և ընդգծել, որ Վաշինգտոնը չի հրաժարվում սպառազինությունների վերահսկողությունից:

«Մենք պետք է նայենք ճշմարտության աչքերի մեջ, սակայն դա չի նշանակում, որ մենք հրաժարվում ենք սպառազինությունների վերահսկողությունից: Սակայն սպառազինությունների վերահսկողությունը պետք է լինի ոչ թե թղթի վրա, այլ գործողություններով»,- նշել է նա: