Ինդոնեզիական Boeing 737-800-ը կործանվել է Ջակարտայից թռիչքից հետո

Կործանվել է ինդոնեզիական Lion Air ավիաընկերության Boeing 737-800 ինքնաթիռը, որը կատարում էր չվերթ Ջակարտայից դեպի Ինդոնեզիայի մեկ այլ քաղաք: Թռիչքից 10 րոպե անց այն անհետացել է ռադառներից:

Նախնական տվյալներով, զոհվել է 185 մարդ, այդ թվում և անձնակազմի անդամները:

Տվյալ տարածքում գտնվող մի շարք նավեր հայտնաբերել են կործանված ինքնաթիռի հատվածներ: Փրկարարներն արդեն հայտնաբերել են ուղևորների անձնական իրերն ու փաստաթղթերը:

Նշվում է, թռիչքից անմիջապես հետո օդանավը թույլտվություն է խնդրել վերադառնալ օդանավակայան:

Lion Air-ի տվյալներով, կործանված ինքնաթիռը արտադրվել է 2018 թվականին, ավիաընկերությունը այն սկսել է շահագործել օգոստոսից: