Պեսկովն անդրադարձել է ԱՄՆ-ի` ՌԴ-ի հետ պայմանագրից դուրս գալու պլաններին

ԱՄՆ-ն դեռ քայլեր չի ձեռնարկել ՌԴ-ի հետ կնքված Միջին ու փոքր հեռահարության հրթիռների ոչնչացման մասին պայմանագրից դուրս գալու ուղղությամբ, որի գործընթացը նախատեսված է փաստաթղթով: Այդ մասին լրագրողներին ասել է ՌԴ նախագահի մամուլի խոսնակ Դմիտրի Պեսկովը` մեկնաբանելով ԱՄՆ-ի ծրագրերը:

Նա նաև հաստատել է, որ տվյալ թեման կբարձրացվի Մոսկվայում այցով գտնվող` ԱՄՆ նախագահի ազգային անվտանգության հարցերով խորհրդական Ջոն Բոլթոնի հետ հանդիպումների ժամանակ: