Իսրայելցի նախարար․ Ռուսական С-300-ները Սիրիայում կոչնչացվեն Իսրայելի ՌՕ ուժերի կողմից

Մեր ռազմաօդային ուժերի գործարկման հնարավորություններն այնպիսին են, որ ռուսական հակաօդային պաշտպանության С-300 համալիրները Սիրիայում չեն սահմանափակում Իսրայելի ռազմական գործողությունների հնարավորությունները։ Այս մասին հայտարարել է Իսրայելի տարածքային համագործակցության նախարար Ցախի Անեգբին՝ տեղեկացնում է Reuters-ը։

Անեգբին նշել է, որ Իսրայելը F-35 անտեսանելի ինքնաթիռներ ունի, որոնք աշխարհում լավագույնն են։ «Այդ համալիրներն ընդունակ չեն նրանց հայտնաբերել»,- հավելել է նա։

Նախարարն ընդգծել է, որ Ռուսաստանը նախկինում տեղակայում էր С-300-ները Սիրիայում, այդ պատճառով դրանց հնարավորությունները վաղուց ուսումնասիրվել են։ «Մենք բազմիցս ենք պարզաբանել, որ չենք հրաժարվի Սիրիայում Թեհրանի դիրքերի ամրապնդումը կանխելուց»,- ասել է նա։

Տպել

Թեմայի այլ նորություններ
Загрузка...