Թրամփը Գերմանիային մղում է Ռուսաստանի եւ Չինաստանի գիրկը. Իշինգեր

Որքան ավելի երկար Դոնալդ Թրամփը մնում իր պաշտոնում, այնքան ավելի մեծ է վտանգը, որ հակաամերիկյան ուժերը կհաղթեն Գերմանիայում եւ նրան կմղեն Ռուսաստանի եւ Չինաստանի գիրկը, Reuters-ին ասել է Մյունխենի համաժողովի անվտանգության հարցերով նախագահ եւ նախկին դեսպան Վոլֆգանգ Իշինգերը:

Նրա խոսքով, Գերմանիայի կառավարությանն ավելի դժվար կլինի պաշտպանել ԱՄՆ-ի հետ հարաբերությունները: «Եվ այն ուժերը, որոնք ավելի սերտ հարաբերություններ են պահանջում այնպիսի երկրների հետ, ինչպիսիք են Ռուսաստանը կամ Չինաստանը, կարող են աջակցություն ստանալ»: Անցյալ տարի Pew հետազոտական կենտրոնի կողմից անցկացված հարցման արդյունքում պարզվել է, որ գերմանացիների միայն 35 տոկոսն է բարեհաճ վերաբերվում ԱՄՆ-ին: