Վերաքննիչ քրեական դատարանի որոշումն ապօրինի է. ՀՔԾ

Հատուկ Քննչական ծառայությունը ապօրինի է համարում ՀՀ երկրորդ նախագահ Ռոբերտ Քոչարյանի խափանման միջոցը փոխելու մասին Վերաքննիչ քրեական դատարանի որոշումը:  

«Վերաքննիչ քրեական դատարանի որոշումն ապօրինի է։ Մենք հույս ունենք՝ Գլխավոր դատախազությունը Վճռաբեկ դատարան բողոք կներկայացնի», -հայտնում են ՀՔԾ-ից:

Նշենք, որ Վերաքննիչ դատարանի որոշմամբ «Մարտի 1»-ի գործով կալանավորված նախկին նախագահ Ռոբերտ Քոչարյանն ազատ արձակվեց: Դատարանը փոխեց Քոչարյանի նկատմամբ ընտրված խափանման միջոց կալանավորումը։

Վաղը Ռոբերտ Քոչարյանը կհանդիպի լրագրողների հետ և կպատասխանի նրանց հարցերին: