29.03.2024
Փաշինյանն ու Լուկաշենկոն քննարկել են ԵԱՏՄ և ՀԱՊԿ շրջանակներում փոխգործակցությունը
prev Նախորդ նորություն

Նորություններ գործընկերներից

Պատրաստ եմ դեմ առ դեմ հանդիպել Ադրբեջանի նախագահ Իլհամ Ալիևի հետ. Փաշինյան

ՀՀ վարչապետ Նիկոլ Փաշինյանը պատրաստ է քննարկել ղարաբաղյան հակամարտության կարգավորումն Ադրբեջանի նախագահ Իլհամ Ալիևի հետ անձնական հանդիպման ընթացքում: Այդ մասին Փաշինյանը հայտարարել է Al-Jazeera-ին տված հարցազրույցում:


«Պատրաստ եմ դեմ առ դեմ հանդիպել Ադրբեջանի նախագահ Իլհամ Ալիևի հետ ղարաբաղյան հակամարտության կարգավորման նպատակով»,-ասել է վարչապետը:


Ըստ նրա, բանակացությունները հնարավոր են բացառապես խաղաղ մթնոլորտի պայմաններում: «Մենք ունենք հակամարտությունը կարգավորելու իրական կամք և իրական ցանկություն: Մենք պատրաստ ենք բանակցությունների, սակայն, ես պնդում եմ, որ մենք ոչինչ չենք անելու ահաբեկման մթնոլորտում: Կարևոր է խաղաղության մթնոլորտ ստեղծել»,-ասել է Փաշինյանը:


Վարչապետը վստահություն է հայտնել, որ Բաքուն գիտակցաբար է սրում իրավիճակն Արցախի Հանրապետության շուրջ: Ըստ նրա, այդպիսով Ալիևի կառավարությունը շեղում է ադրբեջանցիների ուշադրությունը ներքին խնդիրներից:


Ավելի վաղ Փաշինյանը «Էխո Մոսկվի» ռադիոկայանին տված հարցազրույցում հայտարարել էր, որ Ռուսաստանն ունի բոլոր միջոցները թույլ չտալու համար նոր սրացում տարածաշրջանում և զերծ պահելու համար Ադրբեջանին ՀՀ և Արցախի վրա հարձակվելուց:

Իրանի խնդիրը. ԱՄՆ-ն կարող է կորցնել հուսալի դաշնակցի՝ ի դեմս Թուրքիայի. Էրդողան
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար