Էրդողանը կոտորում է քրդերին, բանտ է նետում իր հազարավոր քաղաքացիների․ Նեթանյահու

Իսրայելի վարչապետ Բենյամին Նեթանյահուն մեկնաբանել է Թուրքիայի նախագահ Ռեջեփ Թայիփ Էրդողանի հնչեցրած խոսքերը, երբ նա Իսրայելն անվանել էր «սիոնիստական, ֆաշիստական և ռասիստական պետություն»։

Հիշեցնենք, որ Էրդողանը քննադատել էր Իսրայելի խորհրդարանի կողմից ընդունված պետության հրեական բնույթի մասին օրենքն ու անգամ նշել, որ «Հիտլերի հոգին վերածնվել է որոշ իսրայելցի ղեկավար պաշտոնյաների մեջ»։

Ինչպես փոխանցում է BBC-ի թուրքական ծառայությունը, Նեթանյահուն, ի պատասխան Թուրքիայի նախագահի այս հայտարարությունների, վերջինիս մեղադրել է քրդերի ու սիրիացիների զանգվածային կոտորածների համար։

«Էրդողանի ղեկավարությամբ Թուրքիան բռնել է մութ բռնապետության ճանապարհը։ Էրդողանը կոտորում է քրդերին ու սիրիացիներին, բանտ է նետում իր հազարավոր քաղաքացիների։ Այս «մեծ» ժողովրդավարի քննադատությունը մեր նոր ընդունած օրենքի հանդեպ պարզապես հաճոյախոսություն է», - ասել է Նեթանյահուն։