Ռուսաստանը Հայաստանի ռազմավարական գործընկերն ու դաշնակիցն է, եւ ՀՀ անվտանգության համակարգն ավելի շատ կապված է Ռուսաստանի հետ: Այս մասին հայտարարել է Հայաստանի Ազգային անվտանգության խորհրդի քարտուղար Արմեն Գրիգորյանը՝ ամփոփելով իր Մոսկվա կատարած այցի արդյունքները:
Նրա խոսքով, դատելով վերոնշյալ տրամաբանությունից, բնական է, որ իր առաջին կայցը կատարվել է Ռուսաստան:
Մոսկվա կատարած այցի շրջանակներում Արմեն Գրգորյանը հանդիպել էր Ռուսաստանի անվտանգության խորհրդի քարտուղար Նիկոլայ Պատրուշեւի հետ։ Այդ հանդիպումից հետո ռուսական կողմը հաղորդագրություն տարածեց, որ Պատրուշեւը Հայաստանի Անվտանգության խորհրդի քարտուղար Արմեն Գրիգորյանի հետ հանդիպման ժամանակ վերահաստատել է Մոսկվայի դիրքորոշումը ղարաբաղյան հակամարտության խաղաղ եւ փուլային կարգավորման օգտին՝ հաշվի առնելով բոլոր կողմերի շահերը:
Արմեն Գրիգորյանը հանդիպում էր անցկացրել նաեւ ՀԱՊԿ գլխավոր քարտուղար Յուրի Խաչատուրովի հետ եւ հյուրընկալվել է Ռուսաստանում Հայաստանի դեսպանատանը:
Արմեն Գրիգորյանն իր այցը «շատ արդյունավետ» է գնահատում, որի արդյուքները, իր համոզմամբ, շուտով տեսանելի կլինեն: «Կարող եմ ասել, որ կա երկկողմ ըմբռնում, երկկողմ իրար հասկանալու հնարավորություն», - նշում է նա ու հավելում, որ Ռուսաստանում առկա բոլոր մտահոգությունները հոդս չեն ցնդել: «Բայց ես համոզված եմ, որ շատ մտահոգություններ դուրս են եկել, եւ հաջորդ հանդիպումների ժամանակ այդ հարցերն այլեւս օրակարգում չեն լինելու», - նշել է նա:
Այսպես ԱԱԽ քարտուղարը պաստախանում է հարցազրույցը վարողի հարցին առ այն, թե ինչու նա առաջին աշխատանքային այցը կատարեց Մոսկվա եւ արդյոք դա հատուկ էր արված հակառակն այն խոսակցություններին, որ «Արմեն Գրիգորյանին որոշ շրջանակներ արեւմտամետ գործիչ են համարում»:
Ներկայացնելով որոշակի մանրամասներ Մոսկվայում Պատրուշեւի հետ հանդիպումից, Գրիգորյանը նշել է, որ քննարկել են հայ-ռուսական հարաբերությունների ռազմական կոմպոնենտը: «Խոսել ենք համագործակցության եւ Հայաստանի կողմից ձեռք բերվող եւ ձեռք բերվելիք սպառազինության մասին: քննարկվել է Հայաստանի ռազմա-արդյունաբերության ոլորտը զարգացնելու եւ Ռուսաստանի հետ հնարավոր համագործակցության տարբերակները», - նշում է ԱԱԽ քարտուղարը:
Արմեն Գրիգորյանը նաեւ տեղեկացնում է, որ Պատրուշեւի հետ հանդիպման ժամանակ խոսվել է հայ-ադրբեջանական սահմանի Նախիջեւանի հատվածում իրավիճակի մասին: «Խոսել ենք նաեւ նախիջեւանի մասին: Ես մտահոգություն եմ հայտնել նաեւ ռուսաստանյան բարձրաստիճան պաշտոնյաների՝ Ադրբեջան այցի եւ նրանց հայտարարությունների վերաբերյալ, որը հակասում է Ռուսաստանի պաշտոնական դիրքորոշմանը: Ինձ հայտնեցին, որ այդ հարցերով կզբաղվեն եւ դրանք տեղում միանգամից լուծելի հարցեր չէին», - ասաց նա:
Իր պաշտոնակցի հետ Մոսկվայում Գրիգորյանը խոսել է նաեւ ԼՂ համակարտության խաղաղ կարգավորման սկզբունքների մասին:
Այս համատեքստում հարցազրույցում նա անդրադառնում է նաեւ ռուսական կողմի տարածած հաղորդագրության այն մասին, որտեղ վերահաստատվում է Մոսկվայի դիրքորոշումը ղարաբաղյան հակամարտության «խաղաղ եւ փուլային կարգավորման օգտին»: Այնեւհետեւ մամուլում հայտնվեցին տեղեկություններ առ այն, որ այս ձեւակերպման հարապարակումից հետո հայկական կողմը գերջանքեր է գործադրել այն սրբագրելու՝ «փուլային կարգավորում» բառերը տեքստից հանելու համար։
Նշենք, որ այժմ Ռուսաստանի Անվատանգության խորհրդի պաշտոնական կայքում Գրիգորյան-Պատրուշեւ հանդիպման մասին հաղորդագրությունում չկա «փուլային կարգավորման» մասին հիշատակում: «Հանդիպման ժամանակ վերահաստատվել է տարածաշրջանում կայունությանը կողմ հանդես եկող Ռուսաստանի դիրքորոշումը՝ ի շահ ԼՂ հակամարտության խաղաղ կարգավորման՝ հաշվի առնելով բոլոր կողմերի շահերը», - ասված է հաղորդագրության մեջ:
Ուստի այս հարցին անդրադառնալիս՝ Արմեն Գրիգորյանը միանգամից հղում կատարեց պաշտոնական հաղորդագրությանը: «Մենք ելնում ենք այն իրողությունից, ինչը հարապարակվել է Ռուսաստանի Դաշնության Անվտանգության խորհրդի պաշտոնական կայքէջում, որտեղ ասվում է, որ ԼՂ հակամարտությունը պետք է կարգավորվի բացառապես խաղաղ ճանապահրով: Սա մեր ռազմավարական դաշնակից եւ ԵԱՀԿ Մինսկի խմբի համանախագահ Ռուսաստանի պաշտոնական դիրքորոշումն է: Սա է իրողությունը», - նում է Գրիգորյանը՝ թեպետ չբացառելով վրիպակների հանարավորությունը:
«Ինչպես ցանկացած հաղորդագրությունում կարող են լինել վիրպակներ, որոնք հետագայում շտկվել են», - եզրափակեց նա:
