29.03.2024
ԵԱՀԿ դիտարկում է անցկացվելու շփման գծի Ակնա-Բարդա ճանապարհահատվածում
prev Նախորդ նորություն

Նորություններ գործընկերներից

Կառաջարկեմ չմասնակցել ՆԱՏՕ-ի գագաթաժողովին. Աշոտյանը՝ Նիկոլ Փաշինյանի Բրյուսել այցի մասին

ՆԱՏՕ-ն ոչ միայն հավաքական Արևմուտքն է, ԱՄՆ-ի գլխավորությամբ, այլև Թուրքիան, որը տարբեր խողովակներով մշտապես խոչընդոտել է Հայաստանի վերաբերող խնդիրների քննարկմանն ու լուծմանը:


Այդ մասին հայտարարել է ՀՀ ԱԺ արտաքին հարաբերությունների հանձնաժողովի նախագահ Արմեն Աշոտյանն իր ֆեյսբուքյան էջում՝ հավելելով, որ Հայաստան-ՆԱՏՕ փոխգործակցությունն ունի երկար և հաջողված պատմություն և այն երբեք չի իրականացվել Ռուսաստանի Դաշնության հանդեպ և ՀԱՊԿ-ի շրջանակներում մեր ունեցած դաշնակցային պարտավորությունների հաշվին:


Այս օրերին մասնագիտական և քաղաքական շրջանակները քննարկում են ՀՀ վարչապետ Նիկոլ Փաշինյանի նախապատրաստվող այցը Բրյուսել, ՄԱՏՕ-ի գագաթաժողովի շրջանակներում Աֆղանստանում խաղաղապահ առաքելությանը նվիրված միջոցառմանը մասնակցելու համար: Երկու անգամ Ռուսաստանի դաշնություն այցելություններից ու ախագահ Պուտինի հետ հանդիպումներից հետո սա վարչապետ Նիկոլ Փաշինյանի առաջին պաշտոնական այցն է լինելու Բրյուսել, որի շրջանակում նախատեսված են հանդիպումներ նաեւ Եվրամիության ղեկավարության հետ: Ըստ շրջանառվող լուրերի, սակայն, հնարավոր է Փաշինյանը չմեկնի Բրյուսել:


«Ասածս վերաբերում է նաև ՆԱՏՕ-ի գագաթնաժողովներին Հայաստանի մասնակցության հարցին: Մշտապես ստանալով մասնակցության հրավեր, մենք հազվադեպ ենք այն ընդունել, հաշվի առնելով Գագաթնաժողովների ավարտին ընդունվող հռչակագրերում տարաշածրջանային կոնֆլիկտների նկատմամբ այդ կառույցի որդեգրված մոտեցումը, որը չի տարբերակում սառեցված հակամարտությունները և, որպես կանոն, գերակայություն է տալիս տարածքային ամբողջականությանը: Ակնհայտ է, որ ԼՂ հակամարտությունը արմատապես տարբերվում է մնացած բոլոր հակամարտությւոններից, և մեզ համար ընդունելի չէ այդ հարցի աշխարհաքաղաքական շահարկումը և տարածքային ամբողջականության իմպերատիվը ՆԱՏՕ-ի մոտեցումներում»,-ասվում է գրառման մեջ:


Աշոտյանը հավելել է, որ դիտարկելով այս ամենը, պետք է տարբերակել գալիք գագաթնաժողովին Հայաստանի մասնակցության հարցը և Բրյուսել այցելելու և ԵՄ-ի հետ իշխանափոխությունից հետո հարաբերությունները քննարկելու կարևորությունը:


«Եթե ՆԱՏՕ-ի վերջնական փաստաթղթում տեղ գտնեն շատ կտրուկ ձևակերպումներ մեզ հետաքրքրող հարցերի վերաբերյալ, ապա կառաջարկեմ չմասնակցել գագաթնաժողովին, իսկ ԵՄ-ի հետ նոր կառավարության անմիջական շփումը կազմակերպել մեկ այլ ժամանակահատվածում և առիթով, չհամադրելով ՆԱՏՕ-ի միջոցառումը և Հայաստան-ԵՄ օրակարգը»,-ասվում է գրառման մեջ:


Հիշեցնենք, որ օրեր առաջ Հյուսիսատլանտյան դաշինքի գլխավոր քարտուղարի քաղաքական հարցերով փոխտեղակալ Ջեյմս Ափաթուրայը հայտարարել է, որ ՆԱՏՕ-ն ցանկանում է է՛լ ավելի խորացնել հարաբերությունները Հայաստանի հետ և պատրաստակամ է աջակցել Փաշինյանի կառավարությանը՝ սկսած բարեփոխումներն ընդարձակելու հարցում: Թեև Հայաստանի արտգործնախարարությունը դեռ պաշտոնապես չի հաստատում, սակայն ՆԱՏՕ-ի բարձրաստիճան պաշտոնյան նշում է՝ ՆԱՏՕ-ի գագաթնաժողովի մասնակիցների թվում է լինելու նաև Հայաստանի վարչապետ Նիկոլ Փաշինյանը:


«Այո՛, Հայաստանի վարչապետը կմասնակցի գագաթնաժողովին, ու թեև ես հստակ չգիտեմ, բայց հույս ունեմ, որ նա նաև մտքերի փոխանակման հնարավորություն կունենա ՆԱՏՕ-ի գլխավոր քարտուղար Յենս Ստոլտենբերգի հետ», - ասել է Հյուսիսատլանտյան դաշինքի գլխավոր քարտուղարի քաղաքական հարցերով փոխտեղակալը:


Ավելի ուշ, Նիկոլ Փաշինյանը հայտարարեց, որ իր մասնակցությունը Բրյուսելում հուլիսի 11-12-ը կայանալիք ՆԱՏՕ-ի գագաթաժողովին կախված է հռչակագրի վերջնական տեքստից։ Վարչապետը հստակեցրել էր, որ եթե հռչակագրում լինեն Հայաստանի համար անընդունելի ձևակերպումներ՝ մասնավորապես ղարաբաղյան հիմնահարցի կարգավորման վերաբերյալ, ինքն այդ գագաթաժողովին չի մասնակցի։

Հայատանի ու Ադրբեջանի ԱԳ նախարարները կհանդիպեն Բրյուսելում
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար